سینئر صوبائی وزیر مریم اورنگزیب سے ایشیائی ترقیاتی بینک کے اعلیٰ سطح کے وفد کی ملاقات
ملاقات کا خلاصہ
لاہور (ڈیلی پاکستان آن لائن) سینئر وزیر پنجاب مریم اورنگزیب سے ایشیائی ترقیاتی بینک کے اعلیٰ سطح کے وفد نے ملاقات کی۔ وفد میں ڈائریکٹر جن فینگ ژانگ، کنٹری ڈائریکٹر ایما فان، پروگرام آفیسر خیام سہیل عباسی اور نسنکا سالگادو شامل تھے۔ ملاقات میں صحت، تعلیم، زراعت، فلڈ مینجمنٹ، کلائمیٹ ریزیلینس اور دیگر اہم شعبوں میں جاری و مجوزہ منصوبوں پر تفصیلی تبادلۂ خیال کیا گیا۔
یہ بھی پڑھیں: ہمارے لیڈر کے بارے میں اخلاق سے گری ہوئی باتیں کرو گے تو آپ کو تھپڑ ہی پڑے گا، ایم پی اے خالد نثار ڈوگر
ترقیاتی منصوبوں کی شفافیت
سینئر صوبائی وزیر نے کہا کہ وزیراعلیٰ پنجاب مریم نواز کے وژن کے تحت ترقیاتی منصوبوں میں شفافیت، ڈیجیٹلائزیشن اور مؤثر منصوبہ بندی کو یقینی بنایا جا رہا ہے۔ اس مقصد کے لیے پنجاب ون میپ متعارف کرایا گیا ہے، جو زمین اور زیرِ زمین تمام فزیکل اثاثوں، آبادی اور انفراسٹرکچر پر مشتمل ایک جامع ڈیجیٹل نقشہ ہے۔ اس سے تمام سیکٹرز میں بہتر پلاننگ، ڈویلپمنٹ اور مینجمنٹ ممکن ہو سکے گی۔
یہ بھی پڑھیں: کیا موٹرز کے پلانٹ سے 900 کار انجن چوری
تعلیم اور صحت کی اہمیت
تعلیم اور صحت وزیراعلیٰ کی اولین ترجیحات ہیں، جن کے تحت میڈیکل ڈسٹرکٹس، جدید کیتھ لیبز اور تعلیمی سہولیات کے ڈیٹا پر مبنی ڈیمانڈ پلاننگ کی جا رہی ہے۔ سیف سٹی منصوبہ جون تک پنجاب کے تمام 36 اضلاع میں مکمل کیا جائے گا، جبکہ جون تک 1 لاکھ 60 ہزار گھر عوام کو فراہم کیے جا رہے ہیں۔
یہ بھی پڑھیں: بھارتی فوجی افسران کے پاکستان میں دہشتگردانہ کارروائیوں میں ملوث ہونے کے مستند شواہد ہیں: لیفٹیننٹ جنرل احمد شریف چوہدری
میٹرو منصوبے اور ای موبیلیٹی
سینئر وزیر پنجاب مریم اورنگزیب کا کہنا تھا کہ ای موبیلیٹی ٹرانسپورٹ کے وژن کے تحت گوجرانوالہ اور فیصل آباد میں میٹرو منصوبے، ای بسز اور ای بائیکس متعارف کرائی جا رہی ہیں۔ سوشل اکنامک رجسٹری کا 98 فیصد ڈیٹا مکمل ہو چکا ہے، جبکہ 186 عوامی خدمات کو ڈیجیٹل کر دیا گیا ہے۔
یہ بھی پڑھیں: وفاقی کابینہ نے مذہبی جماعت پر پابندی کی منظوری دے دی
زراعت میں جدید اقدامات
زراعت کے شعبے میں ای موڈرنیزیشن، ایگریکلچر میکانائزیشن، ایگری بزنس مالز، ایکوا کلچر اور شرمپ فارمنگ پر نمایاں پیش رفت ہو رہی ہے۔ کسانوں کو اس سال 20 ہزار سپریڈرز اور ملچرز فراہم کیے جائیں گے، جبکہ سپر سیڈرز کے استعمال سے ماحولیاتی بہتری اور پیداواری لاگت میں کمی آئی ہے۔
یہ بھی پڑھیں: پاکستان کا تجارتی خسارہ کم کرنے کے لیے امریکی خام تیل درآمد کرنے پر غور
فلڈ مینجمنٹ اور آبپاشی
فلڈ مینجمنٹ، آبپاشی، کلائمیٹ ایکشن پلان، کولڈ سٹوریج، لاجسٹکس اور ویلیو ایڈیشن پر بھی مؤثر عملدرآمد جاری ہے۔ ریجن کی پہلی کلائمیٹ آبزرویٹری کے قیام پر عملی کام شروع ہو چکا ہے۔
یہ بھی پڑھیں: بنوں میں سیکیورٹی فورسز کے آپریشنز، 3 اہم کمانڈرز سمیت 17 دہشتگرد ہلاک
وفد کی حوصلہ افزائی
ایشیائی ترقیاتی بینک کے وفد نے پنجاب حکومت کی اصلاحات، ڈیجیٹل گورننس اور زرعی ترقیاتی اقدامات کو سراہا اور زراعت، ویلیو ایڈیشن، زرعی برآمدات اور فشریز کے شعبوں میں تعاون کی یقین دہانی کرائی۔
سردست اختتام
آخری میں سینئر صوبائی وزیر مریم اورنگزیب نے وفد کا شکریہ ادا کیا اور بسنت فیسٹیول میں اہلِ خانہ سمیت شرکت کی دعوت دی۔
