روس، پاکستان فٹ بال ٹیموں کا مجوزہ میچ منسوخ
میچ کی منسوخی کی تصدیق
ماسکو (ڈیلی پاکستان آن لائن) روس اور پاکستان فٹ بال ٹیموں کے درمیان مجوزہ میچ منسوخ کردیا گیا ہے، رشین فٹ بال یونین نے میچ کی منسوخی کی تصدیق کردی۔
یہ بھی پڑھیں: امریکہ نے بھارت کو ایک اور جھٹکا دے دیا، بھارت کے لیے ایران کی چاہ بہار بندرگاہ پر پابندیوں سے استثنیٰ ختم کر دیا
پاکستان فٹ بال فیڈریشن کا انکار
روزنامہ جنگ کے مطابق رشین فٹ بال یونین کے اعلامیے کے مطابق فی الحال اکتوبر کی ونڈو میں پاکستان ٹیم سے میچ نہیں ہورہا ہے۔ پاکستان فٹبال فیڈریشن (پی ایف ایف) پہلے ہی وقت کی کمی کی وجہ سے انٹرنیشنل فرینڈلی میچ سے انکار کرچکا تھا۔
یہ بھی پڑھیں: وزیراعلیٰ علی امین گنڈاپور کے خلاف وفاق کے کتنے مقدمات ہیں؟ تفصیلات پشاور ہائیکورٹ میں پیش
پاکستان اسپورٹس بورڈ کا اقدام
پی ایف ایف کے انکار کے بعد پاکستان اسپورٹس بورڈ (پی ایس بی) نے ازخود ایک ٹیم بھیجنے کا اعلان کیا تھا۔ روس کی دعوت پر پی ایس بی نے دستیاب کھلاڑیوں پر مشتمل اسلام آباد فٹ بال ایسوسی ایشن کی ٹیم تشکیل دے دی تھی۔
یہ بھی پڑھیں: پنجاب بھر میں بارش برسانے والا نیا موسمی سسٹم آج رات پاکستان میں داخل ہو جائے گا :محکمہ موسمیات
سفری انتظامات کی تیاری
ذرائع کے مطابق پی ایس بی کی تیار کردہ ٹیم کے کھلاڑیوں کے سفری انتظامات بھی مکمل ہوچکے تھے۔
روسی فٹبال حکام کا فیصلہ
روسی فٹبال حکام نے آج دوپہر میچ کی منسوخی کا فیصلہ کیا، پی ایس بی کو آگاہ کردیا گیا، پی ایس بی کی تشکیل کردہ ٹیم کو آفیشل پاکستان ٹیم کا درجہ حاصل نہ ہوتا۔
