شیریں مزاری کی بیٹی ایمان مزاری اور ان کے شوہر ہادی علی کو 17، 17 سال قید کی سزا سنادی گئی۔

اسلام آباد میں ڈسٹرکٹ اینڈ سیشن کورٹ کا فیصلہ

اسلام آباد(ڈیلی پاکستان آن لائن) ڈسٹرکٹ اینڈ سیشن کورٹ نے متنازع ٹوئٹس کیس میں ایڈووکیٹ ایمان مزاری اور ان کے شوہر ہادی علی کو 17، 17 سال قید کی سزا سنادی۔ ’’ جیو نیوز‘‘ کے مطابق متنازع ٹویٹس کیس کا مختصر فیصلہ ایڈیشنل سیشن جج افضل مجوکہ نے سنایا اور 22 صفحات پر مشتمل تحریری حکم نامہ بھی جاری کیا۔

یہ بھی پڑھیں: بسنت کے لیے ہر پتنگ، ڈور اُن کے بنانے اور بیچنے والے مکمل طور پر رجسٹرڈ ہوں گے: وزیر اطلاعات

عدالتی فیصلے کی تفصیلات

عدالت نے دونوں ملزمان کو پیکا ایکٹ کے سیکشن 9 کے تحت 5، 5 سال قید اور 50 لاکھ روپے جرمانے کی سزا سنائی۔ عدالتی فیصلے کے مطابق سیکشن 10 کے تحت 10، 10 سال قید اور 3 کروڑ روپے جرمانے کی سزائیں بھی سنائی گئیں جبکہ سیکشن 26 اے کے تحت 2، 2 سال قید اور 10 لاکھ روپے جرمانے کی سزا دی گئی۔

کیس کی سماعت کے دوران کا بیان

اس سے قبل آج کیس کی سماعت کے دوران ایمان مزاری کا کہنا تھا کہ ہم عدالتی کارروائی کا بائیکاٹ کرتے ہیں جس کے بعد انہوں نے سماعت کا بائیکاٹ کردیا تھا۔