دہرے معیار پر مایوسی کا اظہار، آئی سی سی کو اختلافات بڑھانے کے بجائے کرکٹ کی دنیا میں پل بننا چاہیے، شاہد آفریدی

شاہد آفریدی کا مایوس کن بیان

اسلام آباد (آ ئی این پی) بنگلادیش کو ورلڈ کپ سے نکالنے پر پاکستان کرکٹ ٹیم کے سابق کپتان شاہد آفریدی نے آئی سی سی کے دہرے معیار پر مایوسی کا اظہار کیا ہے۔ ان کا کہنا تھا کہ آئی سی سی نے پاکستان کا دورہ نہ کرنے کے لیے بھارتی سیکیورٹی خدشات کو تسلیم کیا۔

یہ بھی پڑھیں: عجمان میں منعقد ہ “PID بزنس سمٹ” کے تحت تقریب میں پاکستانی کمیونٹی کے اراکین اور کاروباری شخصیات کی شرکت

امتیازی معیار پر تنقید

شاہد آفریدی نے کہا کہ یہی سمجھ بوجھ بنگلا دیش کے معاملے میں دکھانے سے گریز کیا جا رہا ہے۔ تسلسل، انصاف اور برابری عالمی کرکٹ گورننس کی بنیاد ہیں۔

یہ بھی پڑھیں: گیم شروع ہوچکی، بولیاں لگ رہی ہیں، گیٹ نمبر 4 الٹا بھی کھلتا ہے: شیخ رشید

ساکھ اور کھیل کی روح

سابق کپتان نے مزید کہا کہ امتیازی معیار سے ساکھ کو نقصان پہنچتا ہے اور کھیل کی روح مجروح ہوتی ہے۔ انہوں نے کہا کہ آئی سی سی کو اختلافات بڑھانے کے بجائے کرکٹ کی دنیا میں پل بننا چاہیے۔

یہ بھی پڑھیں: 26 ویں آئینی ترمیم، سینیئر وکیل علی احمد کرد نے بڑا اعلان کردیا

عالمی کرکٹرز ایسوسی ایشن کا ردِعمل

دوسری جانب عالمی کرکٹرز ایسوسی ایشن نے بھی ٹی ٹوئنٹی ورلڈ کپ سے بنگلا دیش کو نکالے جانے پر ردِعمل ظاہر کیا ہے۔ صدر عالمی کرکٹرز ایسوسی ایشن نے کہا کہ ٹی ٹوئنٹی ورلڈ کپ سے بنگلہ دیش کی غیر موجودگی کھیل کے لئے ایک اداس لمحہ ہے۔

شراکت داری کی ضرورت

انہوں نے یہ بھی کہا کہ شراکت داروں کو کھیل کو متحد کرنے کی کوشش کرنی چاہیے۔ ہمیں اس خوبصورت کھیل کو تقسیم نہیں کرنا چاہیے۔ عالمی ایونٹ سے بنگلا دیش کی غیر موجودگی ان کے کھلاڑیوں اور ان کی قوم کے لیے بڑا دھچکا ہے۔