سیاست زدہ کرکٹ کسی کے مفاد میں نہیں، سب کو اصولوں پر چلنا چاہئے، چیئرمین پی سی بی محسن نقوی

محسن نقوی کی قومی کرکٹ ٹیم کے کھلاڑیوں سے ملاقات

لاہور(ڈیلی پاکستان آن لائن) چیئرمین پاکستان کرکٹ بورڈ محسن نقوی نے قومی کرکٹ ٹیم کے کھلاڑیوں سے ملاقات کی۔ اس ملاقات میں آئی سی سی ٹی 20 ورلڈ کپ کے حوالے سے پی سی بی کے مؤقف پر کھلاڑیوں کو اعتماد میں لیا گیا۔ کھلاڑیوں نے چیئرمین پی سی بی محسن نقوی کے اصولی موقف کو سراہا اور مکمل حمایت کا یقین دلایا۔

یہ بھی پڑھیں: برطانوی اخبار کی چیمپئنز ٹرافی فائنل سے متعلق خبر، پی سی بی کا جواب مل گیا

ورلڈکپ کے حوالے سے اہم بیانات

چیئرمین پی سی بی محسن نقوی نے پاک آسٹریلیا ٹی 20 سیریز کے لئے قومی کرکٹ ٹیم کے لئے نیک خواہشات کا اظہار کیا۔ اس موقع پر انہوں نے کہا کہ ورلڈکپ میں بھارت نہ کھیلنے کے حوالے سے بنگلہ دیش کرکٹ بورڈ کا موقف اصولوں پر مبنی ہے۔ پی سی بی آئی سی سی کے دوہرے معیار کو مسترد کرتا ہے۔ ہم نے کرکٹ کے سنہری اصولوں کو مدنظر رکھ کر بنگلہ دیش کی حمایت کی۔ پاکستانی حکومت جو فیصلہ کرے گی اسے من و عن عمل کریں گے، کیوں کہ سیاست زدہ کرکٹ کسی کے مفاد میں نہیں۔ تمام لوگوں کو کرکٹ کے اصولوں پر چلنا چاہیے۔

یہ بھی پڑھیں: شوگر کنٹرول کی جا سکتی ہے ختم نہیں، آپ کیسے قابو پا سکتے ہیں؟ جانیے

کھلاڑیوں کی حمایت

محسن نقوی نے مزید کہا کہ ہمارے کھلاڑی باصلاحیت ہیں اور ہر لحاظ سے مقابلہ کرنے کی قابلیت رکھتے ہیں۔ کسی بھی میدان میں کامیابی ٹیم ورک سے حاصل ہوتی ہے۔ شائقین کرکٹ کی نظریں بھی پاک آسٹریلیا سیریز پر ہیں اور وہ بجا طور پر آپ سے بہترین کارکردگی کی توقع رکھتے ہیں۔

کھلاڑیوں کا موقف

کھلاڑیوں نے گفتگو کرتے ہوئے کہا کہ ہم سب پی سی بی کے اصولی موقف کے ساتھ ہیں۔