آزادکشمیر میں برف باری سے 11 گھر تباہ، 8 مکانات کو جزوی نقصان پہنچا

آزاد جموں و کشمیر میں حالیہ برفباری کے نقصانات

مظفرآباد (ڈیلی پاکستان آن لائن) سٹیٹ ڈیزاسٹر مینجمنٹ اتھارٹی (ایس ڈی ایم اے) نے آزاد جموں و کشمیر میں حالیہ برفباری کے دوران نقصانات کی تفصیلات جاری کر دی ہیں۔

یہ بھی پڑھیں: شاہین، رضوان اور بابر کے نہ ہونے سے کوئی پریشر نہیں ہو گا، سلمان آغا

انسانی جانوں کا نقصان

نجی ٹی وی چینل دنیا نیوز کے مطابق آزاد جموں و کشمیر میں حالیہ برفباری کے باعث لینڈ سلائیڈنگ سے باغ میں ایک شہری جاں بحق ہوا ہے۔ اس کے علاوہ، لینڈ سلائیڈنگ اور برفانی تودے گرنے کے نتیجے میں 11 گھر مکمل طور پر تباہ ہوگئے جبکہ 8 مکانات کو جزوی نقصان پہنچا ہے۔

یہ بھی پڑھیں: اڈیالہ جیل کے کانفرنس روم میں عمران خان اور اہلیہ بشریٰ بی بی کے درمیان ملاقات

سڑکوں کی حالت

ایس ڈی ایم اے کے مطابق دارالحکومت سے پیر چناسی شاہراہ برفباری کے باعث بند ہے، جبکہ دارالحکومت سے وادی نیلم کی شاہراہ شاردہ تک بحال ہو چکی ہے۔

یہ بھی پڑھیں: لاہور میں عید سے قبل سبزیوں کی قیمتوں میں اضافہ

بحالی کے اقدامات

برفباری کے باعث بلند بالا علاقوں اور نیلم ویلی کی بند شاہراوں کی بحالی کا کام تیزی سے جاری ہے۔ ہٹیاں بالا سے وادی لیپہ جانے والی شاہراہ کو بھی داوکھن تک بحال کردیا گیا ہے۔

سفر سے احتیاط

ایس ڈی ایم اے کی جانب سے پھسلن کے باعث شہریوں کو سفر سے گریز کرنے کی ہدایت کی گئی ہے۔ اندرون وادی لیپہ کی شاہراؤں اور برفباری سے بند بالائی علاقوں کی بحالی کا کام بھی تیزی سے جاری ہے۔