سابق لیفٹیننٹ جنرل فیض حمید کے بھائی نجف حمید کی ضمانت منسوخ
اسلام آباد کی عدالت کا فیصلہ
اسلام آباد(ڈیلی پاکستان آن لائن)اسلام آباد کی ماتحت عدالت نے سابق لیفٹیننٹ جنرل فیض حمید کے بھائی نجف حمید کیخلاف فراڈ کیس میں ضمانت منسوخ کر دی ہے۔
یہ بھی پڑھیں: صائم ایوب نے ٹی ٹوئنٹی کرکٹ کا ناپسندیدہ ورلڈ ریکارڈ برابر کر دیا۔
ضمانت منسوخی کی درخواست
نجی ٹی وی سما نیوز کے مطابق اسلام آباد سپیشل سنٹرل کورٹ نے ایف آئی اے کیجانب سے دائر ضمانت منسوخی کی درخواست منظور کر لی۔ سپیشل جج سینٹرل ایف آئی اے شاہ رخ ارجمند نے محفوظ فیصلہ سنایا، عدالت میں موجود نہ ہونے کیوجہ سے نجف حمید کو گرفتار نہ کیا جاسکا۔
پہلے کی ضمانت
اس سے قبل عدالت نے صلح کی بنیاد پر نجف حمید کی ضمانت منظور کی تھی، ایف آئی اے کیجانب سے ضمانت منسوخی کیلئے عدالت سے رجوع کیا گیا تھا۔
