یوٹیوبر ڈکی بھائی نے یوٹیوب پر نیا سنگ میل عبور کرلیا

لاہور(ڈیلی پاکستان آن لائن) پاکستان کے معروف یوٹیوبر سعد الرحمٰن المعروف ’ڈکی بھائی‘ نے 10 ملین سبسکرائبرز کا سنگِ میل عبور کرلیا۔

یہ بھی پڑھیں: پاکستان یارن مرچنٹس ایسوسی ایشن نے ایف بی آر آرٹیکل 37 اے اور 37 بی کے کالے قانون کو مسترد کردیا

تنازعات کے درمیان ایونٹ کی تیاری

فیملی ولاگز اور روستنگ ویڈیوز سے شہرت حاصل کرنے والے ڈکی بھائی حالیہ دنوں میں اس وقت توجہ کا مرکز بنے جب انہیں 16 اگست 2025 کو ملائیشیا میں ایک ایونٹ کے لیے روانگی سے قبل اہلیہ کے ہمراہ ایئرپورٹ پر ایف آئی اے نے گرفتار کیا۔

یہ بھی پڑھیں: وفاقی حکومت نے رواں مالی سال میں کتنا قرضہ لیا؟ تفصیلات سامنے آگئیں

قید کی صعوبتیں

یوٹیوبر کو تین ماہ جیل میں گزارنا پڑا اور بالآخر رہائی سے قبل ایک ایف آئی اے افسر کو بھاری رقم بھی ادا کرنا پڑی۔

یہ بھی پڑھیں: چیمپئنز ٹرافی، آئی سی سی کا آج ہونے والا اجلاس ملتوی، لیکن کیوں؟ وجہ بھی سامنے آ گئی

کامیابی کا جشن

اب ڈکی نے ایک نیا ولاگ شیئر کیا ہے، جس میں انہوں نے تمام تنازعات کے باوجود ایک بڑی کامیابی کا جشن منایا۔
انہوں نے اپنے مداحوں کے ساتھ 3 گھنٹے طویل لائیو سٹریم بھی کی، جو اس وقت تک جاری رہی جب تک ان کا یوٹیوب چینل 10 ملین سبسکرائبرز کا ہدف حاصل نہیں کر سکا۔

یہ بھی پڑھیں: الفُرقان ویلفیئر آرگنائزیشن کا ’’مستقبلِ پاکستان‘‘ انٹر اسکول سپورٹس و فنڈ ریزنگ ایونٹ ، 35 ہزار بچوں کی شرکت

مداحوں کا شکریہ

7 برسوں کے دوران 10 ملین سبسکرائبرز مکمل ہونے پر ڈکی بھائی نے اپنے مداحوں سے شکریہ ادا کیا۔

والدہ کے لئے خصوصی پیغام

انہوں نے مشکل وقت میں ساتھ دینے پر اپنی والدہ کا خصوصی طور پر شکریہ ادا کیا۔ ان کی والدہ نے فون کال پر اپنی خوشی کا اظہار کرتے ہوئے کہا کہ یہ سب ناقابلِ یقین لگتا ہے اور انہیں اندازہ نہیں کہ 10 ملین کا احساس کیسا ہوتا ہے، لیکن اگر بیٹا خوش ہے تو وہ بھی خوش ہیں۔