سارا انعام قتل کیس: سزا یافتہ مجرم شاہنواز امیر کی والدہ کی بریت کیخلاف اپیل میں نوٹس جاری

اسلام آباد ہائی کورٹ کا نوٹس

اسلام آباد (ڈیلی پاکستان آن لائن) اسلام آباد ہائی کورٹ نے سارا انعام قتل میں سزا یافتہ مجرم شاہنواز امیر کی والدہ کی بریت کے خلاف اپیل میں نوٹس جاری کر دیا۔

یہ بھی پڑھیں: افغان طالبان کو اندازہ نہیں کہ انہوں نے کس قوم کو للکارا ہے، باجوڑ سیکٹر پر کھڑے پاک فوج کے جوان کاپیغام

کیس کی سماعت

روزنامہ جنگ کے مطابق جسٹس ارباب محمد طاہر اور جسٹس انعام امین منہاس نے کیس کی سماعت کی۔ وکیل راجہ رضوان عباسی نے کہا کہ ثمینہ شاہ کی بریت کی درخواست پر پہلے فیصلہ کیا جائے، جس جگہ قتل ہوا اس جگہ ثمینہ شاہ موجود تھیں۔

یہ بھی پڑھیں: راولپنڈی، مردہ حالت میں ملنے والے نوجوان کے اندھے قتل کا معمہ حل ، ملزم گرفتار

عدالت کے سوالات

جسٹس انعام امین منہاس نے وکیل سے سوال کیا کہ ثمینہ شاہ کا کردار کیا تھا؟ جسٹس ارباب محمد طاہر نے کہا کہ ثمینہ شاہ نے پولیس کو بلایا۔ وکیل راجہ رضوان عباسی نے کہا کہ جی، ثمینہ شاہ نے ہی پولیس کو بلایا تھا۔

یہ بھی پڑھیں: حلالہ کے بغیر دوبارہ نکاح کیسے ممکن ہوا؟ جسٹس اسجد جاوید گھرال کے سابقہ بیوی کے ساتھ زیادتی کیس میں ریمارکس

دلائل کی پیشکش

درخواست گزار کے وکیل نے کہا کہ میں پہلے بریت کی درخواست پر دلائل دینا چاہوں گا۔ جسٹس ارباب محمد طاہر نے سوال کیا کہ آپ ہمیں بتا دیں آپ کے پاس کون سا اہم ثبوت ہے؟

یہ بھی پڑھیں: اسرائیل نے وزیراعظم نیتن یاہو کے دفتر پر ایران کے حملے کی تصدیق کر دی

گھر میں موجود افراد

جسٹس انعام امین منہاس نے کہا کہ گھر میں اور کون موجود تھا؟ وکیل راجہ رضوان عباسی نے کہا کہ گھر میں اس وقت ملازم بھی موجود تھے، پہلے بریت پر دلائل ہوئے تو مرکزی کیس پر اثر پڑے گا۔