اوکس ایمپاورہر فیسٹیول 2026، خواتین کی کاروباری صلاحیتوں اور خودمختاری کا جشن

ایمپاورہر فیسٹیول کا انعقاد

لاہور (ویب ڈیسک) اولڈ ایسوسی ایٹس آف کنیرڈ سوسائٹی (OAKS) کے زیرِ اہتمام کنیرڈ کالج برائے خواتین میں ایمپاورہر فیسٹیول منعقد کیا گیا۔ خواتین کی کاروباری صلاحیتوں اور خودمختاری کے اس میلے میں پاکستان بھر سے 100 سے زائد خواتین کی زیرِ قیادت کاروباری اداروں، طالبات کے وینچرز اور ہنرمند خواتین نے شرکت کی۔

یہ بھی پڑھیں: امارات میں ایئر شو، کس ملک کو شرکت سے روک دیا گیا، وجہ کیا بنی؟ جانیے

فیسٹیول کا مقصد

ایمپاورہر محض ایک فیسٹیول نہیں تھا بلکہ خواتین کی قیادت میں قائم ایک ایسا پلیٹ فارم تھا جس کا مقصد رہنمائی (مینٹورشپ)، صلاحیت سازی، نیٹ ورکنگ اور منڈیوں تک رسائی کو فروغ دینا تھا۔ خواتین کاروباری افراد کو اپنی مصنوعات اور خدمات پیش کرنے، ماہرین سے روابط قائم کرنے اور ادارہ جاتی و پالیسی سطح کی معاونت سے جڑنے کے مواقع فراہم کر کے، ایمپاورہر نے ویمن انٹرپرینیورشپ پروگرام کی مؤثر تکمیل کی اور کاروبار کی رسمی حیثیت، آسان کاروباری ماحول اور حکومتی سہولیات تک رسائی کے فروغ میں کردار ادا کیا۔

یہ بھی پڑھیں: فیلڈ مارشل سید عاصم منیر سے جی ایچ کیو میں پاکستان انڈر 19 کرکٹ ٹیم کی ملاقات

فیسٹیول کی سرگرمیاں

فیسٹیول کے 2026 کے ایڈیشن میں بسنت کے رنگوں کو بھرپور انداز میں سمویا گیا، جہاں موسیقی، تفریح اور ثقافتی سرگرمیوں نے خواتین کی محنت، تخلیقی صلاحیتوں اور استقامت کو اجاگر کیا۔

یہ بھی پڑھیں: ٹرمپ کی چینی صدر سے ٹیلی فونک گفتگو، دورہ چین کی دعوت قبول کرلی

آمدنی کا مقصد

اہم بات یہ ہے کہ ایمپاورہر فیسٹیول سے حاصل ہونے والی تمام آمدنی OAKS اسکالرشپ فنڈ اور کنیرڈ کالج کی طالبات کی معاونت سے متعلق دیگر اقدامات کے لیے وقف کی گئی، جو خواتین کی تعلیم، خودمختاری اور پائیدار معاشی ترقی کے لیے OAKS کے عزم کی عکاسی کرتی ہے۔