کسی صورت 8 فروری احتجاج کی کال واپس نہیں لیں گے،ہو سکتا ہے ہم جیل بھرو تحریک شروع کر دیں،محمود خان اچکزئی

احتجاج کی کال پر قائد حزب اختلاف کا عزم

اسلام آباد (ڈیلی پاکستان آن لائن) قائد حزب اختلاف، چیئرمین تحریک تحفظ آئین پاکستان اور سربراہ پشتونخوا ملی عوامی پارٹی محمود خان اچکزئی کا کہنا ہے کہ ہم کسی صورت 8 فروری کے احتجاج کی کال واپس نہیں لیں گے۔ ہو سکتا ہے ہم جیل بھرو تحریک شروع کر دیں، سب لوگ جمہوریت کے لئے اور آمریت کے خلاف ایک دن کاروبار بند رکھیں۔

یہ بھی پڑھیں: ایران پر حملے سے پہلے امریکہ کو آگاہ کردیا تھا، نیتن یاہو کا انکشاف

8 فروری کی تیاریاں

انہوں نے کہا کہ 8 فروری کو دکانیں بند رکھی جائیں گی، ٹیکسیاں اور دیگر ٹرانسپورٹ معطل ہوگی اور کاروباری سرگرمیاں روکی جائیں گی۔ کہا جا رہا ہے کہ یہ محض ابتدا ہے اور آئندہ مرحلے میں تحریکِ تحفظِ پاکستان تمام کارکنان اور سیاسی جماعتوں سے اپیل کر سکتی ہے کہ وہ جیل بھرو تحریک کے لئے تیار رہیں۔

یہ بھی پڑھیں: اگر بھارت نے روسی تیل کی خریداری نہ روکی تو بھاری ٹیرف جاری رہیں گے، ٹرمپ

پرامن جدوجہد کا عزم

ہم اپنے بنیادی انسانی اور آئینی حقوق استعمال کریں گے اور آخری حد تک پُرامن انداز میں اپنا مؤقف پیش کریں گے، اگر ضرورت پڑی تو جیل جانے کے لئے بھی تیار ہوں گے اور اپنی جدوجہد کو مزید آگے بڑھائیں گے۔

سوشل میڈیا پر پیغام

ہم کسی صورت 8 فروری کے احتجاج کی کال واپس نہیں لیں گے، ہو سکتا ہے ہم جیل بھرو تحریک شروع کر دیں، سب لوگ جمہوریت کے لئے اور آمریت کے خلاف ایک دن کاروبار بند رکھیں pic.twitter.com/3Wth05ocpv

— Tehreek-e-Tahafuz-e-Aiin-e-Pakistan (@TTAP_OFFICIAL) January 26, 2026