بیرون ملک مقیم بھارتی گینگسٹر گولڈی برار کے والدین کو بھتہ خوری کیس میں گرفتار کر لیا گیا

بھارتی پنجاب کی پولیس کا بڑا اقدام

ممبئی (ڈیلی پاکستان آن لائن) بھارتی پنجاب کی پولیس نے بیرونِ ملک مقیم گینگسٹر گولڈی برار کے والدین کو 2024 کے بھتہ خوری کیس میں گرفتار کر لیا۔

یہ بھی پڑھیں: را اور موساد کا دفاعی اتحاد بن چکا، 10 برسوں میں، بھارت نے اسرائیل سے کتنے بلین ڈالرز کے جنگی ڈرون اور میزائل درآمد کیے۔۔؟ جانیے

گرفتاری کی تفصیلات

بھارتی میڈیا کے مطابق گولڈی برار کے والد شمشیر سنگھ اور والدہ پریت پال کور کو پیر کے روز ریاست پنجاب سے حراست میں لیا گیا۔ گرفتار ملزمان ضلع مکسر کے آدیش نگر علاقے میں واقع اپنے گھر میں مقیم تھے جبکہ ان کا آبائی تعلق ضلع فریدکوٹ سے ہے۔ یہ مقدمہ مکسر کے ایک رہائشی کی شکایت پر 2024 میں درج کیا گیا تھا۔

یہ بھی پڑھیں: پاکستان اور چین کی افواج حقیقی معنوں میں برادر فوجیں ہیں: فیلڈ مارشل عاصم منیر

کریک ڈاؤن کی کاروائیاں

گولڈی برار کے والدین کے خلاف یہ کارروائی ریاست میں گینگسٹرز کے خلاف جاری کریک ڈاؤن کا حصہ ہے، جس کے تحت بیرونِ ملک مقیم 60 گینگسٹرز کے تقریباً 1200 ساتھیوں اور 600 اہلِ خانہ کے افراد کے نیٹ ورک کی نشاندہی کی گئی ہے۔

یہ بھی پڑھیں: امریکی ریاست یوٹاہ میں چرچ کے باہر فائرنگ، 2 افراد ہلاک، 3 کی حالت تشویشناک

گولڈی برار کا پس منظر

بھارتی میڈیا کا کہنا ہے کہ ستیندر جیت سنگھ عرف گولڈی برار 2022 میں مشہور پنجابی گلوکار سدھو موسے والا کے قتل کے مرکزی ملزمان میں شامل ہے اور اس قتل کی ذمہ داری بھی قبول کر چکا ہے۔

بھارتی میڈیا کے مطابق گولڈی برار اس وقت امریکا میں موجود ہے، وہ 2017 میں اسٹڈی ویزے پر کینیڈا گیا تھا۔ اس سے قبل وہ لارنس بشنوئی گینگ کا سرگرم رکن تھا تاہم گزشتہ سال اس نے اس گینگ سے علیحدگی اختیار کرکے برار، روہت گودارا، کالا جتھیڑی گینگ سے وابستگی اختیار کر لی۔

بھارتی حکومت کے الزامات

بھارتی حکومت نے 2024 میں گولڈی برار کو غیر قانونی سرگرمیوں، سرحد پار سے ڈرون کے ذریعے اسلحہ لانے، گولہ بارود اور دھماکہ خیز مواد اسمگل کرنے اور بھارت میں قتل کی وارداتوں میں ملوث ہونے کے الزامات کے تحت دہشتگرد قرار دیا تھا.