جھنگ، شوگر ملز میں ٹربائن پھٹنے سے 2 مزدور جاں بحق، دو زخمی

خوفناک حادثہ جھنگ میں

جھنگ (آ ئی این پی) صوبہ پنجاب کے ضلع جھنگ میں شوگر ملز کی ٹربائن پھٹنے سے خوفناک حادثے کے نتیجے میں 2 مزدور موقع پر ہی جاں بحق جبکہ دو شدید زخمی ہوگئے۔

یہ بھی پڑھیں: ایک اور چینی ڈبل کیبنٹ پاکستان میں لانچ کرنے کی تیاری، اس سے زیادہ لگژری ڈالا آپ نے نہیں دیکھا ہوگا۔

حادثے کی تفصیلات

ریسکیو ذرائع کے مطابق یہ حادثہ اس وقت پیش آیا جب شوگر ملز میں سٹیم لائن ٹربائن اچانک پھٹ گئی، جس سے زوردار دھماکا ہوا اور مل کے احاطے میں بھگدڑ مچ گئی۔

یہ بھی پڑھیں: بلغاریہ اور جاپان سے تعلق رکھنے والی خواتین کا کوٹ ادو کے 2 نوجوانوں سے نکاح، دونوں نے اسلام قبول کر لیا۔

ریسکیو کا عمل

حادثے کی اطلاع ملتے ہی ریسکیو 1122 کی ٹیمیں فوری طور پر موقع پر پہنچ گئیں اور امدادی کارروائیاں شروع کیں۔ جاں بحق ہونے والے مزدوروں کی نعشوں اور زخمیوں کو ڈی ایچ کیو ہسپتال منتقل کر دیا گیا، جہاں زخمیوں کو طبی امداد دی جا رہی ہے۔

پیش رفت اور تحقیقات

واقعے کے بعد شوگر ملز میں کام عارضی طور پر معطل کر دیا گیا جبکہ حادثے کی وجوہات جاننے کیلئے تحقیقات شروع کر دی گئی ہیں۔