پنجاب کے وزیراعلیٰ کی ہر ضلع میں سٹروک مینجمنٹ سنٹر بنانے کی منظوری

وزیراعلیٰ پنجاب کا تاریخی اقدام

لاہور (آ ئی این پی) وزیراعلیٰ پنجاب مریم نواز شریف نے ہر ضلع میں سٹروک مینجمنٹ سینٹر قائم کرنے کی منظوری دے دی۔

یہ بھی پڑھیں: بہار کے وزیر اعلیٰ نے مسلمان خاتون کا نقاب کھینچ دیا

نیورالوجسٹ کی تعیناتی

وزیراعلیٰ مریم نواز کی جانب سے ہر ڈی ایچ کیو میں نیورالوجسٹ اور پیڈزنیورالوجسٹ تعینات کرنے کا اصولی فیصلہ کر لیا گیا۔ ہر ضلع میں ایک ڈاکٹر اور نرس کو فوری طور پر تین ماہ کی سٹروک مینجمنٹ ٹریننگ فراہم کی جائے گی۔

یہ بھی پڑھیں: پاکستانی پاسپورٹ پر 32 ممالک کا ویزہ فری سفر ممکن، عالمی رینکنگ میں بہتری

ٹیلی میڈیسن پراجیکٹ

مریم نواز شریف نے فوری طور پر سٹروک مریضوں کے لیے ٹیلی میڈیسن پراجیکٹ کا آغاز کرنے کا حکم دیا۔ ضلعی ہسپتالوں کے ڈاکٹر فالج کے مریض کے فوری علاج کے لیے سپیشلسٹ اور کنسلٹنٹ سے ٹیلی فونک رابطہ کرسکیں گے۔

یہ بھی پڑھیں: مذہب اسلام اور اللہ کی شریعت میں استثنی کی کوئی گنجائش نہیں، مذہبی سکالر جاوید احمد غامدی

نرسز کی ٹریننگ اور آگاہی مہم

وزیراعلیٰ نے سٹروک مینجمنٹ سینٹر کے لیے نرسز ٹریننگ پروگرام شروع کرنے اور فالج کے علاج کے لیے عوامی آگاہی مہم کی ہدایت کی۔ انہوں نے کہا کہ فالج کے علاج میں گولڈن آورز کی اہمیت مسلمہ ہے، اور آگاہی مہم کی قیادت خود کروں گی۔

یہ بھی پڑھیں: پنجاب حکومت نے اڈیالہ جیل راولپنڈی سے عمران خان کی منتقلی کی خبروں کو بے بنیاد اور من گھڑت قرار دےدیا

چلڈرن ہسپتالوں میں سینٹرز کا قیام

مریم نواز شریف نے کہا کہ پنجاب کے ہر چلڈرن ہسپتال میں سٹروک مینجمنٹ سینٹر قائم کریں گے تاکہ مریضوں کو علاج کے لیے بڑے شہروں میں نہ جانا پڑے۔

پمز کے نیورالوجسٹ سے بریفنگ

خصوصی اجلاس کے دوران وزیراعلیٰ کو پمز کے نیورالوجسٹ ڈاکٹر قاسم بشیر نے سٹروک مینجمنٹ پروگرام پر بریفنگ دی۔ بتایا گیا کہ 25 سال سے زائد عمر کے ہر 4 میں سے ایک شخص کو فالج کا خطرہ ہوتا ہے، اور فالج کے پری ہاسپٹل، ہاسپٹل اور پوسٹ ہاسپٹل کیئر کے لیے آگاہی اور ٹریننگ لازمی ہے۔