بسنت کی آمد، پتنگ سازوں کے لیے آرڈر پورے کرنا مشکل، کائٹ ایسوسی ایشنز نے ملک کے دیگر حصوں سے بھی پتنگیں منگوانے کی اجازت مانگ لی

بسنت کی آمد اور پتنگوں کی طلب

لاہور (آئی این پی) بسنت کی آمد کے ساتھ ہی پتنگوں کی طلب میں زبردست اضافہ ہوگیا جس کے پیش نظر پتنگ سازوں کیلئے آرڈر پورے کرنا مشکل ہوگیا۔ کائٹ ایسوسی ایشنز نے ملک کے دیگر حصوں سے بھی پتنگیں منگوانے کی اجازت مانگ لی، جبکہ ضلعی انتظامیہ نے تجاویز پر غور شروع کر دیا۔

یہ بھی پڑھیں: 10 سال بعد سپیکرز کانفرنس متوقع، تاریخ سامنے آ گئی

پتنگ سازوں کی مشکلات

کائٹ مینوفیکچررز کا کہنا ہے کہ 2 دہائیوں بعد بسنت کی آمد سے طلب میں بے تحاشہ اضافہ ہوا ہے۔ باہر سے پتنگیں منگوانے کی اجازت ملنے پر نرخ بھی قابو میں رہیں گے۔ پتنگیں وڈور منگوانے کی حتمی اجازت حکومتی گرین سگنل سے مشروط ہے۔ ذرائع ضلعی حکومت کے مطابق طلب اور اسٹاک کے پیش نظر حکمت عملی تشکیل دی جائے گی۔ کائٹ فلائنگ ایسوسی ایشن نے کمشنر کے ساتھ اجلاس میں بھی مطالبہ دہرایا۔

قوانین اور ضوابط

کائٹ فلائنگ آرڈینینس 2025 کے تحت پتنگ، ڈور کے استعمال اور کاروبار کی صرف لاہور میں اجازت ہے۔