سوئی ناردرن کے اپنے ہی ملازمین کا 41 کروڑ روپے سے زائد کے گیس پائپ کی چوری میں ملوث ہونے کا انکشاف
اسلام آباد میں گیس پائپ چوری کا انکشاف
اسلام آباد (ڈیلی پاکستان آن لائن) سوئی ناردرن کے اپنے ہی ملازمین کا 41 کروڑ روپے سے زائد کے گیس پائپ کی چوری میں ملوث ہونے کا انکشاف ہوا ہے۔
یہ بھی پڑھیں: گمشدہ افراد پوری دنیا کا مسئلہ، شہری کا فوجی مقدمہ چل سکتا ہے، اعظم نذیر تارڑ
پبلک اکاونٹس کمیٹی کا اجلاس
چیئرمین نوید قمر کی زیر صدارت پارلیمنٹ کی پبلک اکاونٹس کمیٹی کا اجلاس ہوا۔ اجلاس میں بتایا گیا کہ لاہور کے نواحی علاقے مانگا منڈی میں گیس پائپ کی چوری سے 41 کروڑ روپے سے زائد نقصان کا ہوا ہے۔
یہ بھی پڑھیں: وزیرِ اعظم 22 سے 26 ستمبر تک اقوامِ متحدہ کی جنرل اسمبلی کے اجلاس میں شرکت کریں گے
آڈٹ حکام کی رپورٹ
جیو نیوز کے مطابق آڈٹ حکام کا کہنا ہے کہ اسٹور سے 41 کروڑ روپے سے زائد کے پائپ چوری کیے گئے ہیں اور ایف آئی اے نے اس چوری پر مجموعی طور پر 41 انکوائریاں کی ہیں۔ ٹرکوں کے حساب سے ایس این جی پی ایل اسٹور سے مال نکالا گیا ہے۔
یہ بھی پڑھیں: اپوزیشن لیڈر کے تقرر کا معاملہ، پی ٹی آئی چیف وہپ عامر ڈوگر کی اسپیکر قومی اسمبلی سردار ایاز صادق سے اہم ملاقات
چوری کی سنجیدگی
ممبر کمیٹی شازیہ مری نے کہا کہ یہ ادارے کی اپنی چوری ہے، یہ بہت سنجیدہ معاملہ ہے۔ پہلے کہتے تھے لوگ چوری کرتے ہیں، اب ادارے کے ملازم ہی چوری کررہے ہیں۔
یہ بھی پڑھیں: پاکستان کسان اتحاد کا آئندہ سال گندم کی کاشت میں بہت بڑی کمی لانے کا اعلان
ریکوری کی صورتحال
حکام ایس این جی پی ایل کا کہنا ہے کہ سکیورٹی کیمرے براہ راست ہیڈآفس میں رپورٹ کرتے ہیں۔ 41 کروڑ روپے میں سے 16 ملین روپے کی ریکوری کرلی گئی ہے، سوئی ناردرن نے 41 لوگوں کو چوری کا ذمہ دار ٹھہرایا۔
یہ بھی پڑھیں: سرکاری افسروں کے اثاثے پبلک کرنا آئی ایم ایف کی کوئی اضافی شرط نہیں،عملی اقدام ہے،محمد اورنگزیب
مقدمات اور ضمانت
ایف آئی اے حکام کا کہنا تھا کہ 18 ملزمان کے خلاف مقدمہ درج کیا گیا جس میں سب کی ضمانت ہوگئی۔ اس پر چیئرمین کمیٹی نوید قمر کا کہنا تھا کہ عدالت نے ان سب لوگوں کو ضمانت کیسے دے دی؟
یہ بھی پڑھیں: پُر امید ہیں کہ امریکہ سے جوہری معاہدہ ممکن ہے، ایرانی وزیر خارجہ
خصوصی کمیٹی کا قیام
حکام نے بتایاکہ ایس این جی پی ایل کے بورڈ نے اس کیس کیلئے خصوصی کمیٹی بنائی ہے، ایف آئی اے نے 4 کروڑ 40 لاکھ روپے کی ریکوری کی ہے، ایف آئی اے نے سوئی ناردرن سے فارنزک آڈٹ کی درخواست کی ہے۔
تحقیقات کی درخواست
پبلک اکاؤنٹس کمیٹی نے ایف آئی اے سے پائپ چوری کی تحقیقات پر رپورٹ طلب کرلی ہے。
