راجن پور: پنجاب پولیس کا کچہ میں نان سٹاپ آپریشن، 98 مزید ڈاکوؤں نے سرینڈر کر دیا
راجن پور میں پولیس کا کامیاب آپریشن
راجن پور (ڈیلی پاکستان آن لائن) پنجاب کے ضلع راجن پور کے کچہ کے علاقوں میں پنجاب پولیس کا نان اسٹاپ آپریشن کامیابی سے جاری ہے۔ کچہ عمرانی، سکھانی، لنڈ گینگ، لٹھانی اور کچہ کراچی کے علاقوں میں پولیس نے ڈاکوؤں کے خلاف بھرپور کارروائی کرتے ہوئے ڈرون کے ذریعے ڈاکوؤں کے ٹھکانوں پر گولا باری کی۔
یہ بھی پڑھیں: بھارت کے واٹر بم کو ڈی فیوز کرنا بہت ضروری ہے، سینیٹر علی ظفر
ڈاکوؤں کی تعداد میں کمی
آپریشن کے نتیجے میں انتہائی مطلوب گینگز کے 98 مزید ڈاکوؤں نے پولیس کے سامنے ہتھیار ڈال دیے، جس کے بعد اب تک سرینڈر کرنے والے ڈاکوؤں کی مجموعی تعداد 309 ہو چکی ہے۔
یہ بھی پڑھیں: دریائے سندھ ہمارا ہے،مودی سن لے، اس میں ہمارا پانی بہے گا یا انکا خون، بلاول بھٹو
بدنام ڈاکو کی ہتھیارنڈ
سرینڈر کرنے والوں میں ایک کروڑ روپے سر کی قیمت والا بدنام ڈاکو سبز علی عمرانی بھی شامل ہے۔ پولیس کے مطابق گرفتار ہونے والے 8 ڈاکوؤں پر حکومت پنجاب کی جانب سے پہلے ہی سر کی قیمت مقرر کی جا چکی تھی۔
یہ بھی پڑھیں: چیف آف ڈیفنس سٹاف کا عہدہ قائم کیا جائے جس کے ماتحت تمام مسلح افواج ہوں، اشتر اوصاف
گرفتار ڈاکوؤں کے مقدمات
پولیس حکام کے مطابق گرفتار ڈاکو اغوا، قتل اور ڈکیتی سمیت درجنوں سنگین مقدمات میں مطلوب تھے۔ آپریشن کے دوران ڈاکوؤں کے 33 ٹھکانے اور بنکرز مکمل طور پر تباہ کر دیے گئے۔
یہ بھی پڑھیں: جعلی رسیدیں جاری کرنے پر ریسٹورنٹس سیل
پولیس کی حکمت عملی
ڈی پی او راجن پور محمد عمران نے بتایا کہ سرینڈر اور گرفتار ہونے والے تمام ڈاکوؤں کو قانون کے مطابق سزا دی جائے گی۔ انہوں نے مزید کہا کہ پولیس کی جانب سے باقی مفرور ڈاکوؤں کو واضح پیغام دیا جا رہا ہے کہ وہ رضاکارانہ گرفتاری دیں، بصورت دیگر سخت کارروائی عمل میں لائی جائے گی۔
یہ بھی پڑھیں: بلوچستان میں مذہبی مقامات کی ترقی و بحالی حکومتی سرپرستی میں یقینی بنائی جائے گی، وزیر اعلیٰ میر سرفراز بگٹی
آئندہ کی منصوبہ بندی
آئی جی پنجاب ڈاکٹر عثمان انور اور آر پی او ڈیرہ غازی خان نے کچہ کے جرائم پیشہ عناصر کے خلاف کارروائیاں مزید تیز کرنے اور بلا تعطل جاری رکھنے کی ہدایت جاری کر دی ہے۔
ریاستی رٹ میں بہتری
پولیس کے مطابق کچہ کے علاقے میں ریاستی رٹ مکمل طور پر قائم کرنے تک آپریشن جاری رہے گا۔
