راجن پور: پنجاب پولیس کا کچہ میں نان سٹاپ آپریشن، 98 مزید ڈاکوؤں نے سرینڈر کر دیا
راجن پور میں پولیس کا کامیاب آپریشن
راجن پور (ڈیلی پاکستان آن لائن) پنجاب کے ضلع راجن پور کے کچہ کے علاقوں میں پنجاب پولیس کا نان اسٹاپ آپریشن کامیابی سے جاری ہے۔ کچہ عمرانی، سکھانی، لنڈ گینگ، لٹھانی اور کچہ کراچی کے علاقوں میں پولیس نے ڈاکوؤں کے خلاف بھرپور کارروائی کرتے ہوئے ڈرون کے ذریعے ڈاکوؤں کے ٹھکانوں پر گولا باری کی۔
یہ بھی پڑھیں: رمضان المبارک کے دوسرے عشرہ کی دعا
ڈاکوؤں کی تعداد میں کمی
آپریشن کے نتیجے میں انتہائی مطلوب گینگز کے 98 مزید ڈاکوؤں نے پولیس کے سامنے ہتھیار ڈال دیے، جس کے بعد اب تک سرینڈر کرنے والے ڈاکوؤں کی مجموعی تعداد 309 ہو چکی ہے۔
یہ بھی پڑھیں: حکومت نے سنجیدہ مذاکرات نہ کئے تو 14 دسمبر سے سول نافرمانی کا اعلان ہوگا، شوکت یوسفزئی
بدنام ڈاکو کی ہتھیارنڈ
سرینڈر کرنے والوں میں ایک کروڑ روپے سر کی قیمت والا بدنام ڈاکو سبز علی عمرانی بھی شامل ہے۔ پولیس کے مطابق گرفتار ہونے والے 8 ڈاکوؤں پر حکومت پنجاب کی جانب سے پہلے ہی سر کی قیمت مقرر کی جا چکی تھی۔
یہ بھی پڑھیں: بہاولپور میں ایک ہی خاندان کے پانچ افراد کی لاشیں ملی، صرف چار سال کی بچی بیڈ کے نیچے سے زندہ بچ گئی۔
گرفتار ڈاکوؤں کے مقدمات
پولیس حکام کے مطابق گرفتار ڈاکو اغوا، قتل اور ڈکیتی سمیت درجنوں سنگین مقدمات میں مطلوب تھے۔ آپریشن کے دوران ڈاکوؤں کے 33 ٹھکانے اور بنکرز مکمل طور پر تباہ کر دیے گئے۔
یہ بھی پڑھیں: چاہت فتح علی خان کا خود پر انڈے پھینکے جانے کے واقعے پر ردعمل سامنے آگیا
پولیس کی حکمت عملی
ڈی پی او راجن پور محمد عمران نے بتایا کہ سرینڈر اور گرفتار ہونے والے تمام ڈاکوؤں کو قانون کے مطابق سزا دی جائے گی۔ انہوں نے مزید کہا کہ پولیس کی جانب سے باقی مفرور ڈاکوؤں کو واضح پیغام دیا جا رہا ہے کہ وہ رضاکارانہ گرفتاری دیں، بصورت دیگر سخت کارروائی عمل میں لائی جائے گی۔
یہ بھی پڑھیں: محمد شہزاد بٹ، حاجی محمد اسحاق اور شہناز اختر کے انتقال پر تعزیتی ریفرنس کا انعقاد
آئندہ کی منصوبہ بندی
آئی جی پنجاب ڈاکٹر عثمان انور اور آر پی او ڈیرہ غازی خان نے کچہ کے جرائم پیشہ عناصر کے خلاف کارروائیاں مزید تیز کرنے اور بلا تعطل جاری رکھنے کی ہدایت جاری کر دی ہے۔
ریاستی رٹ میں بہتری
پولیس کے مطابق کچہ کے علاقے میں ریاستی رٹ مکمل طور پر قائم کرنے تک آپریشن جاری رہے گا۔
