ایبٹ آباد: ڈاکٹر کی مبینہ غفلت سے 3 بہنوں کا اکلوتا بھائی جاں بحق

ڈاکٹر کی مبینہ غفلت سے نوجوان جاں بحق

ایبٹ آباد(ڈیلی پاکستان آن لائن) ڈاکٹر کی مبینہ غفلت سے 13 سال کا لڑکا جاں بحق ہوگیا۔

یہ بھی پڑھیں: شارجہ چیمبر آف کامرس اینڈ انڈسٹری اور پاکستان کے وفاقی وزیر برائے سرمایہ کاری کے درمیان ملاقات، اعزازی شیلڈ پیش کی

مریض کی حالت اور آپریشن

نجی ٹی وی چینل دنیا نیوز کے مطابق حسنین علی کو اپینڈکس کی تکلیف کے باعث ہسپتال لایا گیا، جہاں اس کا آپریشن کیا گیا مگر چار دن سے ہوش میں نہ آسکا اور دار فانی سے رخصت کر گیا۔

یہ بھی پڑھیں: 40 سال تک صفائی کرکے پیسے جمع کرنے والا انڈونیشیا کا جوڑا حج کرنے پہنچ گیا

احتجاج اور مظاہرین کی کارروائیاں

لڑکے کے جاں بحق ہونے کی اطلاع پر ورثاء آپے سے باہر گئے اور ڈی ایچ کیو ہسپتال میں لاش رکھ کر احتجاج کیا۔ شدید احتجاج کے باعث ڈاکٹر موقع سے فرار ہونے میں کامیاب ہوگیا۔

لواحقین کا مطالبہ

مظاہرین نے ڈاکٹر فوری گرفتار کرنے کا مطالبہ کیا، لواحقین نے بتایاکہ 13 سالہ حسنین علی تین بہنوں کا اکلوتا بھائی تھا۔ پولیس نے ڈاکٹر کیخلاف ایف آئی آر درج کر لی۔