وزیراعلیٰ نے ”پرواز کارڈ“ کا افتتاح کر دیا، 3 لاکھ روپے بلاسود دینے کا اعلان، ایسے پنجاب کا خواب دیکھتی ہوں جہاں ہر چیز پر ”میڈ ان پنجاب“ لکھا ہو: مریم نواز

وزیر اعلیٰ کا تاریخی اقدام

لاہور (ڈیلی پاکستان آن لائن) وزیر اعلیٰ مریم نواز نے پنجاب کی تاریخ کے پہلے اور منفرد "پرواز کارڈ" کا افتتاح کر دیا۔ پنجاب کی تاریخ میں پہلی مرتبہ اڑھائی لاکھ نوجوانوں کی ٹیکنیکل ٹریننگ مکمل ہو چکی ہے اور 1 لاکھ 14 ہزار سے زائد نوجوان برسرِ روزگار ہیں۔ 97,000 نوجوانوں کو پاکستان اور 33,000 نوجوانوں کو بیرون ملک روزگار ملا۔ وزیر اعلیٰ مریم نواز نے منفرد پروگرام "کریٹیو ہینڈ" "راہِ روزگار" اور "اسکل ڈویلپمنٹ پورٹل" کا بھی آغاز کیا۔ وزیر اعلیٰ مریم نواز نے ہنر مند نوجوانوں کو پرواز کارڈ کے ذریعے 3 لاکھ روپے تک بلاسود دینے کا اعلان کیا۔

یہ بھی پڑھیں: برطانوی شہری کی طبیعت خراب، دوحہ جانیوالی پرواز کی کراچی میں ایمرجنسی لینڈنگ

نوجوانوں کا حوصلہ بڑھانا

وزیر اعلیٰ مریم نواز سے وزیر اعلیٰ آفس میں مختلف فنون سے ٹیکنیکل ٹریننگ مکمل کرنے والے 90 طلباء نے ملاقات کی۔ وزیر اعلیٰ نے مختلف سکلز حاصل کرنے والے طلباء کی صلاحیتوں اور جذبوں کو سراہا۔ وزیر اعلیٰ مریم نواز نے طلباء سے گفتگو کرتے ہوئے کہا کہ اپنے بچوں کی کامیابیوں کی داستانیں سن کر خوش ہوں اور جذباتی ہو گئی۔ ریاست ماں کی طرح ہوتی ہے، ماں کا دل چاہتا ہے بچوں کی راہ میں آنے والے تمام کانٹے چن لیے جائیں۔ پنجاب کے خزانے کا ایک ایک پیسہ نوجوانوں پر لگانے چاہتے ہیں۔ ٹیکنیکل اداروں میں طلباء کو سکالرشپ ہی نہیں دیتے بلکہ ٹریننگ کے بعد روزگار کا بندوبست بھی کرتے ہیں۔ ہم پنجاب کے کونے کونے میں طلباء کو وسائل اور مواقع مہیا کرتے ہیں۔ جاب سیکٹر میں جاب نہ ملے تو ای کامرس اور آئی ٹی کے کورسز سے راستے کھل جاتے ہیں۔

یہ بھی پڑھیں: روزانہ چند منٹ کی چہل قدمی کے 5 بہترین فوائد جو شاید آپ کو معلوم نہیں

بیرون ملک مواقع کی فراہمی

وزیر اعلیٰ مریم نواز نے کہا کہ میری خواہش ہے کہ ہمارے بچے کسی شعبے میں پیچھے نہ رہیں۔ کوئی بچہ ایسا نہ ہو جو ماں باپ پر بوجھ بنے بلکہ خاندان کے لیے کمانے والا ہو۔ جو بچے بیرون ممالک جانے والے ہیں انہیں بھی مواقع فراہم کریں گے۔ بیرون ملک پاکستانی ہی مشکل اور محنت جاب کرتے ہیں۔ آج کے دور میں سکل ہے تو جاب ہے، مارکیٹ تک رسائی کے لیے سب کچھ کرنے کے لیے تیار ہیں۔ پنجاب میں 2 لاکھ سے زائد بچوں کے لیے بہتر مواقع کے دروازے کھل چکے ہیں۔ ہم نے گلف میں ٹیم بھیجی اور پاکستانی نوجوانوں کے لیے جاب مارکیٹ دریافت کی۔ باہر جانے والے نوجوانوں کے خواب پورے کرنے چاہتے ہیں۔ لینگویج، آئی ٹی کورسز، الیکٹریشن اور دیگر کورسز کرکے سب روزگار کمارہے ہیں۔ ہمارے پاس کنسٹرکشن سے متعلق لیب نہیں تھی، لیب بھی بنا دی گئی۔

یہ بھی پڑھیں: موسم سرما کے آتے ہی چائے کی درآمد میں بڑا اضافہ

ہنر مند لیبر کی اہمیت

وزیر اعلیٰ مریم نواز نے کہا کہ عدنان افضل چٹھہ اور نادر چٹھہ، دونوں چٹھہ نے مل کر کمال کر دیا۔ جہاں پانی میسر نہیں تھا، ان خواتین کے لیے واسا کے ٹینکر گھروں کی دہلیز میں صاف پانی پہنچا رہے ہیں۔ عوام کے لیے موبائل پولیس سٹیشن اور تھانے نہ جا سکنے والی خواتین کے لیے ورچوئل پولیس اسٹیشن بنا رہے ہیں۔ میں یہ نہیں سننا چاہتی کہ پاکستانی لیبر سستی ہے بلکہ یہ سننا چاہتی ہوں کہ پاکستانی لیبر ہنر مند ہے۔ پاکستان کی ورک فورس سب سے زیادہ سکلڈ ہے یہی ہمارا مقصد ہے۔ لوگ سکلڈ ٹریننگ لے کر گھروں میں جاب کرکے 500 ڈالر تک کمارہے ہیں۔ نوجوانوں کو ٹائل فکسنگ، ویلڈنگ اور وائرنگ اور دیگر شعبوں میں ٹریننگ فراہم کی۔ پرواز کارڈ کے ذریعے ہنر مند نوجوانوں کو ایجنٹ مافیا سے آزاد کر رہے ہیں۔ غیر ہنر مند لیبر کو مزدوری اور مشقت کرکے قیمت چکانا پڑتی ہے۔ ٹرانس جینڈر کا قصور مختلف پیدا ہونا نہیں، مظلوم ہیں، ٹرانس جینڈر روزگار کمائیں، حکومت آپ کے ساتھ ہے۔

یہ بھی پڑھیں: شام میں سینئر داعش رہنما ہلاک، ایک اور گرفتار

مستقبل کی ترقی

وزیر اعلیٰ مریم نواز نے کہا کہ نوجوانوں کو دنیا بھر میں باعزت روزگار کے مواقع فراہم کرنا چاہتے ہیں۔ پوری دنیا ہمارے نوجوانوں کو اثاثے سمجھے، برین ڈرین سے برین گین تک جانا چاہتے ہیں۔ پرواز کارڈ کے ذریعے بیرون ملک جانے والے ہر ہنر مند نوجوان کی 3 لاکھ تک معاونت کریں گے۔ پاکستان کے لیے ہنرمند نوجوان بہترین ایکسپورٹ ہیں۔ سکل انفارمیشن سسٹم کے ذریعے سب کو ایک ڈیش بورڈ سے منسلک کر دیا۔ کسی انسٹی ٹیوٹ میں کیا پڑھایا جا رہا ہے اور کیسے نوجوان ٹریننگ کرکے نکل رہے ہیں، مکمل مانیٹرنگ کریں گے۔ حکومت نوجوانوں کا ہاتھ پکڑ کر ساتھ دے گی تاکہ انہیں مشکل نہ ہو۔

یہ بھی پڑھیں: سپریم کورٹ کی بھارتی جارحیت کی شدید مذمت، معصوم شہداءکو خراج عقیدت

ارٹیفیشل انٹیلی جنس کی اہمیت

وزیر اعلیٰ مریم نواز نے کہا کہ مستقبل آرٹیفیشل انٹیلی جنس ہے، اسی لیے سکولوں میں اے آئی لازمی کر دی۔ پہلی مرتبہ وزیر اعلیٰ نے وزراء کے ساتھ اے آئی ٹریننگ سیشن اٹینڈ کیا۔ اے آئی کے نئے دور میں ہر فیصلہ نالج بیسڈ ہونا چاہیے۔ پنجاب کے نوجوانوں کو سکالرشپ، لیپ ٹاپ اور کروم بکس فراہم کر رہے ہیں۔ نوجوانوں کو ٹیکنیکل ٹریننگ کے بعد بنیادی رقم بھی دیں گے، نوجوانوں آگے بڑھیں حکومت پنجاب آپ کے ساتھ ہے۔ آپ کی حکومت آپ کے ساتھ بھرپور تعاون کرے گی، ہر بیٹی خواب دیکھے مریم نواز خواب پورے کرے گی۔ ایسے پنجاب کا خواب دیکھتی ہوں جہاں ہر چیز پر "میڈ ان پنجاب" لکھا ہو۔

ہنرمند نوجوانوں کی ذمہ داری

وزیر اعلیٰ مریم نواز نے تمام ہنرمند نوجوانوں کو ملک و قوم کی خاطر بنیان مرصوص کی طرح کھڑے رہنے اور ریاست مخالف سرگرمیوں اور منشور سے دور رہنے کی ہدایت کی۔