لائیو شو میں ٹک ٹاکر لڑکیاں لڑ پڑیں، ویڈیو وائرل

ویڈیو کا تنازع

لاہور (ویب ڈیسک) لائیو ٹی وی پروگرام پر ٹک ٹاکر لڑکیوں کے لڑنے اور ایک دوسرے کے بال کھیچنے کی ویڈیو سوشل میڈیا پر وائرل ہے۔

یہ بھی پڑھیں: وزن کم کرنے والے انجیکشن کا مردوں پر زیادہ اثر ہوتا ہے یا خواتین پر؟ حیران کن تحقیق سامنے آگئی۔

پرانا تنازعہ

یہ ٹی وی پروگرام اس سے قبل متھیرا کی میزبانی میں ہوا کرتا تھا، جس کے کئی متنازع کلپ پہلے ہی سوشل میڈیا پر موجود ہیں اور صارفین کی تنقید کا نشانہ بن رہے ہیں۔ لیکن حالیہ تنازع نے ایک بار پھر خبروں میں جگہ بنالی ہے۔

یہ بھی پڑھیں: بنگلہ دیش نے پاکستان کے خلاف ٹی ٹوئنٹی سکواڈ کا اعلان کر دیا

میزبانی کی تبدیلی

اس شو کی میزبانی آج کل یونس خان کررہے ہیں، جو حالیہ دنوں میں لائیو ٹی وی پر ہونے والے تنازعات اور گرما گرمی کے باعث توجہ حاصل کر رہے ہیں۔

یہ بھی پڑھیں: اسلام آباد ہائیکورٹ نے تحریک انصاف کے احتجاج سے متعلق درخواست پر فیصلہ سنادیا

ولی شیخ کا واقعہ

چند دن قبل یونس خان اس وقت وائرل ہوئے تھے جب معروف کامیڈین ولی شیخ سے متعلق ایک کلپ سامنے آیا تھا، جس میں ولی شیخ نے لائیو شو میں ہونے والی بے عزتی پر مایوسی کا اظہار کیا تھا۔ اب ایک اور واقعے نے شو کو ایک بار پھر سوشل میڈیا کی سرخیوں میں لا کھڑا کیا ہے۔

یہ بھی پڑھیں: غيرت کے نام پر کسی کو بھی قتل کرنا شرعی لحاظ سے جائز نہیں ہے، مولانا فضل الرحمان

جھگڑے کا آغاز

اس بار منظر کچھ اور ہی تھا۔ شو میں شریک دو خواتین ٹک ٹاکرز، عالیہ ستار اور آسیل لارنس، اچانک ایک دوسرے سے الجھ پڑیں۔ وائرل ہونے والی بیک اسٹیج ویڈیو میں دیکھا جاسکتا ہے کہ بحث کے دوران عالیہ ستار نے غصے میں آکر آسیل لارنس کے بال پکڑ لیے اور انہیں بدتمیزی نہ کرنے کا کہا۔

یہ بھی پڑھیں: پاکستانی فوج قومی استحکام کا ستون، پاک چین دوستی اور تعاون کی مضبوط محافظ ہے، چینی وزیر خارجہ

مداخلت اور صورتحال

رپورٹس کے مطابق جھگڑے کی ابتدا اس وقت ہوئی جب آسیل نے الزام لگایا کہ عالیہ نے ان کا گانا چلنے نہیں دیا، جبکہ عالیہ نے جواباً طنز کرتے ہوئے شو میں بیٹھنے پر طعنے دے ڈالے۔ معاملہ ہاتھ سے نکلنے لگا تو سینئر میزبان عظمیٰ خان نے مداخلت کر کے دونوں کو الگ کیا اور ماحول کو ٹھنڈا کرنے کی کوشش کی، مگر تب تک یہ جھڑپ سوشل میڈیا پر طوفان برپا کر چکی تھی.

سوشل میڈیا پر ردعمل

ٹک ٹاکرز کی اس لڑائی نے آن لائن نئی بحث چھیڑ دی ہے۔ کئی صارفین نے اسے سستی شہرت حاصل کرنے کی کوشش قرار دیا۔ ایک صارف نے لکھا، ’’یہ سب ڈرامہ ہے، صرف شو کو وائرل کرنے کے لیے اسکرپٹڈ لڑائی کروائی گئی۔‘‘ دوسرے نے حیرت کا اظہار کرتے ہوئے کہا، ’’آخر اس ملک میں ہو کیا رہا ہے؟‘‘ ایک اور مداح نے تو شو پر پابندی لگانے کا مطالبہ بھی کر دیا اور لکھا، ’’کمزور میزبان، کمزور شو۔‘‘