ٹی 20 ورلڈکپ: حارث کی سلیکشن نہ ہونے پر مائیکل کلارک اور ایرون فنچ حیران

حارث رؤف کی غیر موجودگی پر حیرت

دبئی(ڈیلی پاکستان آن لائن)آسٹریلیا کے سابق کپتان مائیکل کلارک اور ایرون فنچ نے ٹی 20 ورلڈ کپ کیلئے پاکستانی سکواڈ میں فاسٹ باؤلر حارث رؤف کے منتخب نہ ہونے پر حیرانی کا اظہار کیا ہے۔

یہ بھی پڑھیں: ہم نے ہمیشہ آئین اور قانون کے دائرے میں رہ کرجدوجہد کی ہے، وزیراعلیٰ خیبرپختونخوا

ایرون فنچ کا بیان

نجی ٹی وی چینل دنیا نیوز کے مطابق ایک پروگرام میں مائیکل کلارک اور ایرون فنچ سے بی بی ایل میں شاندار پرفارمنس کے باوجود حارث رؤف کو ٹیم میں شامل نہ کرنے پر سوال کیا گیا۔ ایرون فنچ نے کہا کہ حارث رؤف کے سکواڈ میں شامل نہ ہونے پر کافی حیرت ہوئی۔

یہ بھی پڑھیں: راولپنڈی میں شادی شدہ خاتون کو بلیک میل اور زیادتی کرنے والا ملزم گرفتار

فاسٹ باؤلر کی اہمیت

انہوں نے کہا کہ حارث رؤف ٹیم میں ایکس فیکٹر لے کر آتے ہیں، لیکن کبھی کبھار وہ تھوڑے مہنگے ثابت ہوسکتے ہیں۔

یہ بھی پڑھیں: جواء ایپ کی تشہیر کے معاملے میں یوٹیوبر ڈکی بھائی کی درخواست پر بڑی پیشرفت

باؤلنگ کی حقیقت

ایرون فنچ کا کہنا ہے کہ سب سے اہم بات یہ ہے کہ آپ کے پاس کھیل کے تینوں مرحلے میں وکٹیں لینے والا حقیقی باؤلر ہو۔ میرے نزدیک ٹی 20 کرکٹ میں وکٹیں لینا سب سے اہم ہوتا ہے، خاص طور پر فلیٹ پچز پر۔

یہ بھی پڑھیں: پولو کے نامور کھلاڑی محمد حسین کا مبینہ قتل،لاش دریا سے مل گئی

مائیکل کلارک کی رائے

اس موقع پر گفتگو کرتے ہوئے مائیکل کلارک نے کہا کہ مجھے بھی حارث رؤف کی سلیکشن نہ ہونے پر حیرت ہوئی۔ ہاں البتہ یہ بات بھی ہے کہ آسٹریلیا میں کھیلنا سری لنکا اور بھارت میں کھیلنے سے مختلف ہے۔

یہ بھی پڑھیں: ہم تو ٹھنڈے فرش پر سوتے اور جیل کا کھانا کھاتے تھے، عمران خان کو فائو اسٹار ہوٹل سے بہتر کھانا اور سہولیات دستیاب ہیں، خواجہ محمد آصف

کنڈیشنز اور فارم کی اہمیت

ان کا کہنا تھا کہ جہاں آپ نے کھیلنا ہوتا ہے وہاں کی کنڈیشن کے حساب سے سکواڈ بنانا ہوتا ہے اور کھلاڑی کو ان کے رول کے حساب سے ٹیم میں سلیکٹ کیا جاتا ہے۔ جو رول بی بی ایل میں حارث رؤف کا تھا وہ ان کا یہاں نہیں لگتا اور میرے خیال میں کھلاڑی کی فارم بھی کافی اہم ہوتی ہے۔