1. 8 فروری سے لیکر اب تک ہر چیز فریب اور دھوکہ پر مبنی ہے، عمران خان کے علاج کے بارے میں 5 دن تک جھوٹ بولا گیا، ذاتی معالجین کی ملاقات تک یہاں سے نہیں ہٹیں گے، سلمان اکرم راجا

سلمان اکرم راجا کی پریشانی

راولپنڈی (ڈیلی پاکستان آن لائن) پی ٹی آئی رہنما سلمان اکرم راجا کا کہنا ہے کہ ہمیں کچھ علم نہیں کہ عمران خان کا کیا علاج ہوا ہے، خاندان کو فوراً اطلاع دینا، بنیادی قانونی تقاضا ہے۔

یہ بھی پڑھیں: 16 سالہ لڑکی کی لاش ملنے کا معاملہ؛ زیادتی کا نشانہ بناکر قتل کیا گیا

اڈیالہ جیل کے باہر میڈیا سے گفتگو

اڈیالہ جیل کے باہر میڈیا سے گفتگو کرتے ہوئے انہوں نے کہا کہ 5 دِن تک یہ تردید کرتے رہے، جھوٹ بولتے رہے۔ آج بھی ہمیں ان کی کسی بات پر یقین نہیں ہے، جب تک عمران خان کو ان کی بہنیں اور ذاتی معالج نہیں دیکھ لیتے، ہم کسی بات پر اعتبار نہیں کریں گے۔ 8 فروری سے لیکر اب تک ہر چیز فریب اور دھونس پر مبنی ہے۔

یہ بھی پڑھیں: دسمبر 1968ء تک انڈیا سے صرف دلاسہ ملا کہ صبر کریں انتظار کریں، میں نے بالآخر والد صاحب سے کہہ دیا اب آپ اپنی خوشی کر سکتے ہیں

خاندانی ملاقات کی اہمیت

ہم یہاں کھڑے ہیں اور ہمیں یہ قبول نہیں کہ آپ ایک بیمار شخص کو کال کوٹھری میں ڈال دیں اور خاندان کو ملنے تک نہ دیں۔ ہمیں نہیں پتا کہ کیا ٹیکے لگائے گئے ہیں۔ ذاتی معالجین کی ملاقات تک ہم یہاں سے نہیں ہٹیں گے۔

سوشل میڈیا پر بیان

”ہمیں کچھ علم نہیں کہ خان صاحب کا کیا علاج ہوا ہے، خاندان کو فوراً اطلاع دینا، بنیادی قانونی تقاضا ہے۔ 5 دِن تک یہ تردید کرتے رہے، جھوٹ بولتے رہے، آج بھی ہمیں انکی کسی بات پر یقین نہیں، جب تک خان صاحب کو انکی بہنیں اور ذاتی معالج نہیں دیکھ لیتے، ہم کسی بات پر اعتبار نہیں کرینگے۔… pic.twitter.com/44oSjzgoKy

— PTI Islamabad (@PTIOfficialISB) January 29, 2026