ٹیم میں کوئی معصوم نہیں، ابرار احمد سب سے زیادہ شرارتی، صائم ایوب جتنی دیر سوتا ہے، کوئی سوچ بھی نہیں سکتا، سلمان آغا کا انکشاف
سلمان علی آغاسے گفتگو
لاہور(ڈیلی پاکستان آن لائن) پاکستان ٹی ٹوئنٹی ٹیم کے کپتان سلمان علی آغاکا کہنا ہے کہ لیگ کی پرفارمنس پر قومی ٹیم بنانے کا نہیں سوچتا۔ انہوں نے مزید کہا کہ لیگ انٹرٹیٹمنٹ کرکٹ ہے، پیسا بن جاتا ہے، اور فارم بحال کرسکتے ہیں۔
یہ بھی پڑھیں: بگ بیش لیگ میں بابراعظم کے بعد شاہین شاہ آفریدی کی بھی دھوم مچ گئی
ورلڈ کپ کی تیاری
پاکستان کرکٹ بورڈ کے پوڈ کاسٹ میں گفتگو کرتے ہوئے کپتان سلمان علی آغا نے بتایا کہ قومی ٹیم کی ورلڈ کپ کی تیاری بھرپور انداز میں جاری ہے، کھلاڑی بہت محنت کررہے ہیں۔
یہ بھی پڑھیں: چائے بنانے کے لیے چولہا جلایا تو آگ سارے ڈبے میں بھڑک اٹھی، ڈرائیور نے گاڑی روکی مگر تب تک بہت نقصان ہو چکا تھا، جلتے ہوئے ڈبوں کو علیٰحدہ کیا گیا۔
لیگ کرکٹ اور بین الاقوامی کرکٹ میں فرق
کپتان نے کہا کہ لیگ کرکٹ اور انٹرنیشنل کرکٹ میں بہت فرق ہے۔ وہ لیگ کی بنیاد پر قومی ٹیم بنانے کی بالکل نہیں سوچتے، کیونکہ لیگ کرکٹ انٹرٹیٹمنٹ ہے اور پیسہ بنانے کیلئے ہوتی ہے۔ ان کا کہنا تھا کہ اس کے ذریعے فارم بحال کی جا سکتی ہے۔
یہ بھی پڑھیں: بھارت میں نوجوان لڑکی اپنے ہی دیور کے ساتھ گھر سے بھاگ گئی لیکن کیوں؟ حیران کن وجہ سامنے آ گئی
بابر اعظم کی صورتحال
سلمان علی آغا نے کہا کہ اگر بابر اعظم جلد آؤٹ ہوجائیں تو بہتر ہے کہ کچھ دیر کے لیے ان سے دور رہا جائے کیونکہ اس وقت کوئی بات کرنا مناسب نہیں ہوتی۔
یہ بھی پڑھیں: آگ گل پلازہ میں نہیں کراچی کے ہر شہری کے دل میں لگی ہے، یہ قومی سانحہ ہے، فاروق ستار
وکٹ کیپرز کے انتخاب
کپتان نے عثمان خان کی قابلیت کی تعریف کی، اور کہا کہ خواجہ نافع اور صاحبزادہ فرحان بھی وکٹ کیپنگ کے اچھے آپشن ہیں، ضرورت پڑنے پر انہیں کیپنگ کروایا جا سکتا ہے۔
یہ بھی پڑھیں: زرعی آمدن پر انکم ٹیکس لگا تو کتنے ارب روپے جمع ہوسکتے ہیں۔۔۔؟
مڈل اوورز کی اہمیت
انہوں نے کہا کہ ڈیتھ اوور میچز میں بڑا فرق ڈالتے ہیں، جس پر سب سے زیادہ کام کیا جارہا ہے۔
پاکستان ٹیم کے کھلاڑیوں کی خصوصیات
سلمان علی آغا نے انکشاف کیا کہ پاکستان ٹیم میں کوئی معصوم نہیں ہوتا، اور ابرار احمد سب سے زیادہ شرارتی ہے۔ انہوں نے یہ بھی کہا کہ صائم ایوب جتنی دیر سوتا ہے، کوئی سوچ بھی نہیں سکتا۔
