ایم کیو ایم کا کراچی کو وفاق کے حوالے کرنے کا مطالبہ غیر آئینی نہیں اور اگر یہ بات غداری ہے تو اس شق کو آئین سے نکال دیں، خالد مقبول صدیقی

کراچی میں وزیر تعلیم کی گفتگو

کراچی (ڈیلی پاکستان آن لائن) وفاقی وزیر تعلیم اور ایم کیو ایم پاکستان کے چیئرمین ڈاکٹر خالد مقبول صدیقی کا کہنا ہے کہ کراچی کو وفاق کے حوالے کرنے کا مطالبہ غیر آئینی نہیں ہے۔ انہوں نے کہا کہ اگر یہ بات غداری ہے تو اس شق کو آئین سے نکال دیں۔

یہ بھی پڑھیں: اکتوبر 2025 میں مہنگائی کی شرح میں ماہانہ بنیاد پر 1.83 فیصد اضافہ ہوا، ادارہ شماریات

سانحہ گل پلازہ کی تحقیقاتی رپورٹ

این ای ڈی یونیورسٹی میں وزیر اعظم لیپ ٹاپ اسکیم کے تحت منعقدہ پروگرام کے دوران میڈیا سے گفتگو کرتے ہوئے انہوں نے بتایا کہ سانحہ گل پلازہ کی تحقیقاتی رپورٹ پر نہ صرف وہ بلکہ خود سندھ حکومت بھی مطمئن نہیں ہے۔

یہ بھی پڑھیں: کراچی؛ کورنگی میں پولیس یونیفارم پہن کر وارداتیں کرنے والے 4 ڈاکو زخمی حالت میں گرفتار

ہائیر ایجوکیشن کمیشن کے چیئرمین کا تقرر

ہائیر ایجوکیشن کمیشن کے چیئرمین کے عدم تقرر کے حوالے سے ڈاکٹر خالد مقبول نے کہا کہ چیئرمین کے عہدے کے لیے میرٹ کی بنیاد پر تین نام وزیر اعظم کو ارسال کیے جا چکے ہیں۔ انہوں نے مزید کہا کہ ایچ ای سی کی تاریخ میں اتنے شفاف طریقے سے امیدواروں کا انتخاب کبھی نہیں ہوا۔ ہم وزیر اعظم کے منتظر ہیں، اور سمری میں تاخیر کا سامنا ہے۔

اردو یونیورسٹی میں بے قاعدگیوں کا معاملہ

اردو یونیورسٹی میں بے قاعدگیوں کے حوالے سے سوال پر خالد مقبول صدیقی نے کہا کہ اردو یونیورسٹی کی تحقیقاتی رپورٹ آ چکی ہے، جس پر ایکشن بھی ہونا ہے۔ تاہم، وہاں سفارشات بھی آ جاتی ہیں۔