لاہور: نالے میں گِر کر جاں بحق ہونے والی ماں بیٹی کی لاشیں آبائی گھر پہنچا دی گئیں۔

ماؤں اور بیٹیوں کی موت کا المناک واقعہ

شورکوٹ (ڈیلی پاکستان آن لائن) بھاٹی گیٹ میں سیوریج لائن میں گر کر جاں بحق ہونے والی ماں اور بیٹی کی لاشیں شورکوٹ میں ان کے آبائی گھر پہنچا دی گئی ہیں۔
نجی ٹی وی چینل دنیانیوز کے مطابق انتظامی غفلت کے باعث جان کی بازی ہار جانے والی ماں بیٹی کی میتیں گھر پہنچنے پر علاقے میں کہرام مچ گیا۔ ہر آنکھ اشکبار نظر آ رہی تھی۔ خاتون اور اس کی بیٹی کی نماز جنازہ آج ادا کی جائے گی۔

یہ بھی پڑھیں: سندھ طاس معاہدے کی یکطرفہ معطلی اور عدالتی کردار محدود کرنے کا بھارتی اقدام درست نہیں: پرمننٹ کورٹ آف آربریٹریشن

مقدمہ اور انتظامی کارروائیاں

متوفی خاتون کے والد کی مدعیت میں واقعے کا مقدمہ درج کر لیا گیا ہے، جس میں پراجیکٹ مینیجر اصغر سندھو، سیفٹی انچارج دانیال اور سائٹ انچارج احمد نواز کو نامزد کیا گیا۔ پولیس نے تینوں کو گرفتار کر لیا ہے۔

یہ بھی پڑھیں: نجکاری کمیشن بورڈ نے پی آئی اے کے لیے عارف حبیب کنسورشیم کی بولی کی منظوری دے دی

عملے کی معطلی اور شوکاز نوٹس

داتا دربار منصوبے پر کام کرنے والی پوری ٹیم کو بھی معطل کر دیا گیا ہے۔ ٹیپا کی جانب سے نیسپاک کو شوکاز نوٹس جاری کیا گیا، جس کا ایک روز میں جواب طلب کیا گیا ہے۔

سی سی ٹی وی فوٹیج کی تفصیلات

حادثے سے پہلے کی سی سی ٹی وی فوٹیجز بھی سامنے آ گئی ہیں، فوٹیج میں 5 افراد کو داتا دربار حاضری کیلئے آتے دیکھا جا سکتا ہے، تاہم ماں اور بیٹی دربار کے اندر داخل نہیں ہوئی تھیں۔