ٹی ٹوئنٹی ورلڈ کپ کی آئیکونک پرفارمنس کا اعلان، شاہد آفریدی کا نام بھی شامل

آئی سی سی کی آئیکونک پرفارمنس کی فہرست

دبئی(ڈیلی پاکستان آن لائن) انٹرنیشنل کرکٹ کونسل (آئی سی سی) نے ٹی ٹوئنٹی ورلڈ کپس کی آئیکونک پرفارمنس کا اعلان کر دیا۔ اس فہرست میں قومی کرکٹ ٹیم کے سابق کپتان شاہد آفریدی بھی شامل ہیں۔

یہ بھی پڑھیں: چیئرمین جوائنٹ چیفس آف سٹاف کمیٹی جنرل ساحر شمشاد مرزا نے نامور سائنسدانوں اور انجینئرز کو سول ایوارڈز سے نوازا

شاہد آفریدی کی شاندار کارکردگی

روزنامہ جنگ کے مطابق، آئی سی سی نے 2009ء کے ورلڈ کپ میں آل راؤنڈر پرفارمنس پر شاہد آفریدی کا نام شامل کیا ہے۔ انہوں نے ایونٹ کے سیمی فائنل میں 51 رنز کے ساتھ 2 اہم وکٹیں لے کر پاکستان کو فائنل میں پہنچایا تھا۔ فائنل میچ میں بھی انہوں نے 40 گیندوں پر 54 رنز کی شاندار اننگز کھیلی۔

یہ بھی پڑھیں: نائب وزیر اعظم اسحاق ڈار کی متحدہ عرب امارات میں سر بنی یاس فورم 2025 کے موقع پر برطانوی ہم منصب سمیت دیگر عالمی رہنماؤں سے اہم ملاقاتیں

دیگر آئیکونک پرفارمنس

2007ء میں ٹی ٹوئنٹی ورلڈکپ کے پہلے ایڈیشن میں یووراج سنگھ کے 6 چھکوں کو آئیکونک پرفارمنس قرار دیا گیا، جبکہ 2010ء میں آسٹریلیا کے مائیک ہسی کی پاکستان کے خلاف 24 گیندوں پر 60 رنز کی اننگز بھی شامل ہے۔

آئی سی سی نے 2012ء میں ویسٹ انڈیز کے سنیل رائن کی 9 رنز کے عوض 3 وکٹوں کو بھی آئیکونک پرفارمنس قرار دیا ہے۔ 2014ء کے ورلڈ کپ کے سیمی فائنل میں سری لنکا کے رنگانا ہیراتھ کی 5 وکٹیں، 2016ء میں کارلوس بریتھویٹ کے 4 مسلسل چھکوں کو بھی فہرست میں شامل کیا گیا ہے۔

موجودہ آئیکونک اننگز

2021ء کے ورلڈ کپ کے فائنل میں مچل مارش کی 77 رنز کی اننگز اور 2022ء میں انگلینڈ کے بین اسٹوکس کی پاکستان کے خلاف 52 رنز کی اننگز کو بھی آئیکونک پرفارمنس قرار دیا گیا ہے۔

مزید برآں، 2024ء کے ورلڈ کپ میں ویرات کوہلی کی 76 رنز کی شاندار اننگز کو بھی آئیکونک پرفارمنس مانا گیا ہے۔