عمران خان سے ملاقات نہ کرانے کا معاملہ، چیف جسٹس یحییٰ آفریدی سے سلمان اکرم راجا کی 30 منٹ طویل ملاقات

اسلام آباد میں اہم ملاقات

بانی چیئرمین پاکستان تحریک انصاف (پی ٹی آئی) عمران خان سے ملاقات نہ کرانے پر سلمان اکرم راجا نے چیف جسٹس پاکستان یحییٰ آفریدی سے ملاقات کی ہے۔

یہ بھی پڑھیں: مودی آسمان سے گرا، کھجور میں اٹکا، چین نے پورے زنگ نان اروناچل پردیش کو چین کا حصہ قرار دے دیا

سپریم کورٹ میں ملاقات کا سلسلہ

اس معاملے میں سلمان اکرم راجا، وزیراعلیٰ خیبر پختونخوا سہیل آفریدی اور سردار لطیف کھوسہ سپریم کورٹ پہنچے تھے۔ جیو نیوز کے مطابق سلمان اکرم راجا اور لطیف کھوسہ نے رجسٹرار سپریم کورٹ کے بعد اٹارنی جنرل سے بھی ملاقات کی تھی۔

یہ بھی پڑھیں: ٹرمپ نے اشارہ کیا، نریندر سرینڈر، مودی نے جی حضور کہہ کر تعمیل کردی، راہول کی تنقید

چیف جسٹس سے گفتگو

سلمان اکرم راجا اور چیف جسٹس یحییٰ آفریدی کی ملاقات 30 منٹ سے زائد جاری رہی، جس میں پی ٹی آئی رہنما نے اپنے تحفظات رکھے۔ ملاقات سے قبل میڈیا سے گفتگو کرتے ہوئے سہیل آفریدی نے کہا کہ بات آپریشن اور اڈیالہ سے پمز لانے تک پہنچ گئی اور بتایا تک نہیں گیا، پمز اسپتال میں کوئی ریٹینا اسپیشلسٹ ہے ہی نہیں۔

انسانی حقوق کی پامالی

سلمان اکرم راجا نے کہا کہ بانی پی ٹی آئی کو بنیادی انسانی حقوق نہیں دیے جا رہے، اور بانی پی ٹی آئی کی صحت سے متعلق حکومتی حلقے 5 دن تک جھوٹ بولتے رہے۔ لطیف کھوسہ نے کہا کہ بانی پی ٹی آئی کی صحت ہماری ریڈ لائن ہے، رجسٹرار کو کہہ دیا کہ ہمارے تحفظات چیف جسٹس تک پہنچا دیں۔