فیلڈ مارشل سید عاصم منیر سے ترک چیف آف جنرل سٹاف کی ملاقات، دفاعی تعاون مزید مضبوط بنانے پر اتفاق

ترکیہ کے چیف آف جنرل سٹاف کا دورہ

راولپنڈی (ڈیلی پاکستان آن لائن) ترکیہ کے چیف آف جنرل سٹاف سلجوق بایراکتار اوغلو نے جی ایچ کیو کا دورہ کیا اور چیف آف ڈیفنس فورسز و چیف آف آرمی سٹاف فیلڈ مارشل سید عاصم منیر سے ملاقات کی۔

یہ بھی پڑھیں: سندھ حکومت نے تمام تعلیمی بورڈز میں ’نمبرسسٹم‘ ختم کردیا

ملاقات کے موضوعات

ملاقات میں دفاعی اور عسکری امور، باہمی دلچسپی اور علاقائی و عالمی سیکیورٹی صورتحال پر گفتگو کی گئی۔

یہ بھی پڑھیں: نجکاری کا تیسرا مرحلہ، پنجاب بھر میں 4500 پرائمری، مڈل اور ہائی سکولز نجی آپریٹرز کو دینے کا فیصلہ

پاک، ترکیہ دفاعی تعاون

مسلح افواج کے شعبہ تعلقات عامہ آئی ایس پی آر کے مطابق ملاقات میں پاک، ترکیہ دفاعی اور فوجی تعاون مزید مضبوط بنانے پر اتفاق کیا گیا۔ دونوں ممالک کے درمیان قریبی رابطہ اور تعاون بڑھانے پر زور دیا گیا۔ فیلڈ مارشل سید عاصم منیر نے پاک، ترکیہ برادرانہ تعلقات کو اجاگر کیا۔

یہ بھی پڑھیں: خوش قسمت ہیں کہ اللہ نے اپنے بندوں کی خدمت کا موقع دیا، اب ہمارا فرض ہے کہ اللہ کے بندوں کی خدمت کریں، مشکل وقت میں صبر کریں

شاندار میزبانی اور تعاون

آئی ایس پی آر کے مطابق ترکیہ کے چیف آف جنرل سٹاف نے شاندار میزبانی پر پاکستان کا شکریہ ادا کیا اور تربیت، مشترکہ مشقوں و صلاحیت بڑھانے میں تعاون جاری رکھنے کا اعلان کیا۔

گارڈ آف آنر

آئی ایس پی آر کے مطابق ملاقات سے قبل جنرل ہیڈکوارٹرز آمد پر ترک جنرل کو پاک فوج کے دستے نے گارڈ آف آنر پیش کیا۔