آسٹریلیا کے خلاف اہم میچ میں کپتان سلمان آغا نے اچانک اپنی بیٹنگ پوزیشن پرموٹ کرنے کی وجہ بتا دی

پاکستان کی تاریخی فتح

لاہور(ڈیلی پاکستان آن لائن) پاکستان کے کپتان اور میچ کے بہترین کھلاڑی سلمان علی آغا نے آسٹریلیا کے خلاف دوسرے ٹی ٹوئنٹی میں تاریخی فتح کے بعد کہا ہے کہ یہ میچ ہر اعتبار سے ایک مکمل اور پرفیکٹ گیم تھا، جس میں بیٹنگ، بولنگ اور فیلڈنگ تینوں شعبوں میں ٹیم نے غیر معمولی کارکردگی دکھائی۔

یہ بھی پڑھیں: پیٹرولیم مصنوعات کی قیمتوں میں کمی کا امکان

کپتان کی گفتگو

میچ کے بعد گفتگو کرتے ہوئے سلمان علی آغا کا کہنا تھا کہ پاور پلے اور مڈل اوورز میں پاکستان کی بیٹنگ شاندار رہی جبکہ بولنگ کے شعبے میں ٹیم نے مکمل طور پر حریف کو قابو میں رکھا۔ انہوں نے کہا کہ فیلڈنگ بھی لاجواب رہی، جس کی بدولت آسٹریلیا کو دباؤ میں رکھا گیا۔

یہ بھی پڑھیں: موجودہ حالات میں انڈین ججز سے کیا بات ہوئی نہیں بتاوں گا، چیف جسٹس پاکستان

نمبر تین پر بیٹنگ کا فیصلہ

کپتان نے نمبر تین پر خود بیٹنگ کے فیصلے پر بات کرتے ہوئے کہا کہ وہ اسپن بولنگ کو اچھی طرح کھیل سکتے ہیں، اسی لیے انہوں نے خود کو اوپر پروموٹ کیا، اور یہی حکمتِ عملی وہ آئندہ سری لنکا میں بھی اپنانا چاہتے ہیں۔

یہ بھی پڑھیں: مولانا فضل الرحمان نے جے یو آئی (ف) کے ارکان قومی اسمبلی کے لیے ’’ہدایت نامہ‘‘ جاری کردیا

عثمان خان کی شاندار اننگز

عثمان خان کی اننگز کو سراہتے ہوئے سلمان علی آغا نے کہا کہ عثمان خان اسپن کے خلاف پاکستان ٹیم کے بہترین بلے بازوں میں سے ایک ہیں، ان کی صلاحیتوں پر ٹیم کو مکمل اعتماد ہے اور امید ہے کہ وہ آئندہ میچز میں بھی اسی طرح کارکردگی دکھاتے رہیں گے۔

آگے کی حکمت عملی

انہوں نے مزید کہا کہ ٹیم 2-0 کی برتری کو ذہن سے نکال کر ہر میچ کو نئے جذبے اور اسی انداز میں کھیلنا چاہتی ہے۔ سلمان علی آغا کا کہنا تھا کہ ہمارا مقصد یہی ہے کہ ہم دوبارہ لاہور کے شائقینِ کرکٹ کو بہترین کھیل کے ذریعے تفریح فراہم کریں۔