پنجاب میں ڈرگ ٹیسٹنگ لیبارٹریز نے مختلف اقسام کے انجیکشنز کے مخصوص بیچز کو مضرِ صحت قرار دیا، فروخت فوری روکنے اور مارکیٹ سے واپس لینے کا حکم

پنجاب کی ڈرگ ٹیسٹنگ لیبارٹریز کا اہم اقدام

لاہور (ڈیلی پاکستان آن لائن) ڈرگ ٹیسٹنگ لیبارٹریز پنجاب نے مختلف اقسام کے انجیکشنز کے مخصوص بیچز کو مضرِ صحت قرار دیتے ہوئے ان کی فروخت فوری طور پر روکنے اور مارکیٹ سے واپس لینے کا حکم جاری کر دیا ہے۔

یہ بھی پڑھیں: لاہور: نالے میں گِر کر جاں بحق ہونے والی ماں بیٹی کی لاشیں آبائی گھر پہنچا دی گئیں۔

مخصوص بیچز کی نشاندہی

پبلک نیوز کے مطابق ادارے کی جانب سے جاری کردہ الرٹ میں متعلقہ انجیکشنز کے بیچ نمبرز کی نشاندہی کر دی گئی ہے اور ہدایت کی گئی ہے کہ اگر یہ مصنوعات ڈیلرز، ہول سیلرز، ریٹیلرز یا جانوروں کے اداروں کے پاس موجود ہوں تو انہیں فوری طور پر کمپنی کو واپس کیا جائے۔

یہ بھی پڑھیں: بھارتی فوج نے لائن آف کنٹرول کے چورا کمپلیکس پر سفید جھنڈا لہرا دیا

عوام کی سلامتی کا خیال

حکام نے عوام کو خبردار کیا ہے کہ ان انجیکشنز کا استعمال فوری طور پر بند کر دیا جائے، کیونکہ یہ صحت کے لیے سنگین خطرات کا باعث بن سکتے ہیں۔

کمپنیوں کے لیے ہدایت

ڈرگ ٹیسٹنگ لیبارٹریز نے انجیکشنز تیار کرنے والی کمپنی کو بھی ہدایت کی ہے کہ وہ فوری طور پر ترسیل معطل کرے اور مارکیٹ سے تمام متعلقہ مصنوعات واپس حاصل کرے۔