وفاقی وزیر علیم خان نے پیپلز پارٹی کی سینیٹر پلوشہ خان سے سینیٹ اجلاس میں معذرت کرلی

معذرت کا واقعہ

اسلام آباد (ڈیلی پاکستان آن لائن) وفاقی وزیر مواصلات و نجکاری علیم خان نے پیپلز پارٹی کی سینیٹر پلوشہ خان سے سینیٹ اجلاس میں معذرت کرلی۔

یہ بھی پڑھیں: گاڑیوں میں سیفٹی اسٹینڈرڈز کی عدم موجودگی یا خلاف ورزی پر 3 سال قید اور ایک کروڑ روپے تک جرمانے کی سزا

اجلاس میں اظہار خیال

روزنامہ جنگ کے مطابق سینیٹ اجلاس سے خطاب میں علیم خان نے کہا کہ قائمہ کمیٹی اجلاس میں ایک واقعہ ہوا، 24 سال سے سیاست میں کوشش کی ہر کولیگ سے احترام کا رشتہ رکھوں۔ کبھی ایسے لمحات آ جاتے ہیں، میں محترمہ سینیٹر پلوشہ خان، سینیٹر پرویز رشید اور دیگر ارکان سے دلی طور پر معذرت خواہ ہوں۔

یہ بھی پڑھیں: سونے کی قیمت میں مزید گراوٹ، 21ہزار 500روپے فی تولہ سستا ہو گیا

پلوشہ خان کا جواب

اس پر پلوشہ خان نے کہا کہ ہم سب کی عزت برابر ہے، پرامید ہوں کہ آئندہ سب ممران کی عزت و احترام کی جائے گی، آئندہ کمیٹی اجلاس میں یہ ماحول نہیں ہوگا۔

یہ بھی پڑھیں: سرکاری اداروں کو دی جانے والی سبسڈی، گرانٹس اور قرض کی تفصیلات سامنے آگئیں

ماضی کا واقعہ

یاد رہے کہ 19 دسمبر کو پیش آنے والا واقعہ سینیٹ کی قائمہ کمیٹی برائے مواصلات میں وفاقی وزیر علیم خان اور پلوشہ خان میں تلخ کلامی ہوئی تھی۔

یہ بھی پڑھیں: ہانیہ عامر سے تعلق کی افواہوں پر بادشاہ نے خاموشی توڑ دی

تلخ کلامی کی تفصیلات

عبدالعلیم خان نے پلوشہ خان کو شٹ اپ کہا تھا تو جواب میں پلوشہ نے انہیں یو شٹ اپ کہہ دیا تھا، سینیٹر پرویز رشید کی بیچ بچاؤ کروانے کی کوششیں بھی رائیگاں گئیں۔

عزت و احترام کی اپیل

پیپلز پارٹی کی سینیٹر پلوشہ خان نے علیم خان کو مخاطب کرتے ہوئے کہا کہ تم ہو کون اس طرح کی بات کرنے والے؟ جس کے جواب میں علیم خان بولے آپ عزت کریں گے تو آپ کی عزت ہم کریں گے۔