پاکستان تحریکِ انصاف کی مشترکہ پارلیمانی پارٹی کا اجلاس، خیبرجرگے کے فیصلوں کی حمایت، 8 فروری شٹرڈاؤن پر کام تیز کرنے کا فیصلہ
اجلاس کا اعلامیہ
پشاور (ڈیلی پاکستان آن لائن) پاکستان تحریکِ انصاف کی مشترکہ پارلیمانی پارٹی کے اجلاس کا اعلامیہ جاری کر دیا گیا۔ اجلاس میں خیبرجرگے کے فیصلوں کی حمایت کی گئی اور 8 فروری شٹرڈاون پر کام تیز کرنے کا فیصلہ کیا گیا ہے۔
یہ بھی پڑھیں: فیض حمید کا کورٹ مارشل ایک قانونی اور عدالتی عمل ہے، اس پر کوئی فیصلہ آئے گا تو آپ کو بتائیں گے،ڈی جی آئی ایس پی آر
اجلاس کی تفصیلات
مشترکہ پارلیمانی پارٹی اجلاس میں وزیرِاعلیٰ خیبرپختونخوا نے خصوصی طور پر شرکت کی۔ اجلاس میں ملک کی مجموعی سیاسی، سیکیورٹی اور صوبائی صورتحال پر تفصیلی غور کیا گیا۔
یہ بھی پڑھیں: دورۂ چین پنجاب کیلئے تاریخ کا اہم موڑ ہے،پنجاب انویسٹمنٹ کانفرنس ایک بڑی کامیابی ثابت ہوگی:وزیر اعلیٰ مریم نواز
دہشتگردی کی مذمت
اجلاس میں بلوچستان میں دہشتگردی کے حالیہ حملوں کی شدید الفاظ میں مذمت کی گئی اور ان حملوں کے نتیجے میں سیکیورٹی فورسز اور معصوم شہریوں کی شہادت پر گہرے رنج و غم کا اظہار کیا گیا۔ اجلاس نے شہداء کے اہلِ خانہ سے دلی ہمدردی اور تعزیت کا اظہار کرتے ہوئے اس عزم کا اعادہ کیا کہ دہشتگردی کے خلاف جدوجہد میں قوم متحد ہے۔
یہ بھی پڑھیں: زیرک سیاستدان ہیں کبھی لوز شاٹ نہیں کھیلتے، سیاست اور عملی زندگی کی اونچ نیچ سے خوب واقف ہیں بلکہ اونچے نیچے راستے کے ماہر کھلاڑی ہیں
عمران خان کی صحت کے بارے میں تشویش
اجلاس میں بانی چیئرمین پاکستان تحریکِ انصاف عمران خان کی صحت سے متعلق خبروں پر شدید تشویش کا اظہار کیا گیا۔ اجلاس کا مؤقف تھا کہ عمران خان کی صحت سے متعلق اطلاعات نے پورے ملک کے عوام میں اضطراب پیدا کر دیا ہے۔ اس حوالے سے مطالبہ کیا گیا کہ عمران خان کو فوری طور پر ان کے معالج تک مکمل رسائی دی جائے اور ان سے ملاقاتوں کا سلسلہ بلا تاخیر بحال کیا جائے۔ اجلاس میں ان کی رہائی فی الفور یقینی بنانے کا بھی مطالبہ کیا گیا۔
یہ بھی پڑھیں: پاکستان سوشل سینٹر شارجہ اور سافٹ امیج پاکستان کی جانب سے محفل شعر و نغمہ، پاکستانی محنتی اور دیانتدار ہیں، ملک اسلم۔
صوبائی مسائل اور وفاقی مطالبات
اجلاس میں وزیرِاعلیٰ خیبرپختونخوا کی وزیراعظم شہباز شریف سے صوبے کے درپیش مسائل کے حل کے لیے ہونے والی ملاقات کو خوش آئند قرار دیا گیا۔ اجلاس میں وفاق سے مطالبہ کیا گیا کہ خیبرپختونخوا کے بقایا جات، بالخصوص این ایف سی، این ایچ پی اور آئی پی کی مد میں واجب الادا تمام رقوم فوری طور پر ادا کی جائیں تاکہ صوبے کے عوام کے مسائل کا عملی حل ممکن ہو سکے۔
یہ بھی پڑھیں: پاکستان کو بڑی عالمی طاقتوں کے ساتھ باہمی مفاد پر مبنی تعلقات استوار کرنے ہوں گے: علی جہانگیر صدیقی
قبائلی اضلاع کی قربانیوں کا اعتراف
اجلاس نے قبائلی اضلاع کی جانب سے ملک کے لیے دی جانے والی بے مثال قربانیوں کو خراجِ تحسین پیش کیا اور اس عزم کا اظہار کیا کہ ان قربانیوں کو ہرگز رائیگاں نہیں جانے دیا جائے گا۔ اجلاس میں شدید موسمی حالات کے دوران وادی تیراہ سے نقل مکانی کرنے والے متاثرہ خاندانوں کی فوری بحالی اور مکمل ازالے کا مطالبہ کیا گیا۔
یہ بھی پڑھیں: عرفان صدیقی انتقال کرگئے
8 فروری کی ہڑتال
اجلاس میں 8 فروری کو پرامن شٹر ڈاؤن اور پہیہ جام ہڑتال کو مؤثر بنانے کے لیے اسٹریٹ موومنٹ کو مزید تیز کرنے کا فیصلہ کیا گیا۔ اجلاس نے واضح کیا کہ 8 فروری کو عوامی مینڈیٹ چرایا گیا اور ملک بھر کے عوام اس ناانصافی کے خلاف پرامن اور رضاکارانہ طور پر اپنی دکانیں بند کریں گے اور احتجاج ریکارڈ کرائیں گے۔
یہ بھی پڑھیں: اب اس ملک میں ترمیم ترمیم ترمیم ہوگی، سینیٹر فیصل واوڈا
پارٹی کارکنان کی گرفتاریوں کی مذمت
اجلاس میں سندھ اور پنجاب میں پارٹی کارکنان کی گرفتاریوں اور ان کے گھروں پر چھاپوں کی شدید مذمت کی گئی۔ اجلاس کا مؤقف تھا کہ اس قسم کے فسطائی ہتھکنڈے جمہوریت، آئین اور بنیادی انسانی حقوق کی صریح نفی ہیں، جنہیں کسی صورت قبول نہیں کیا جا سکتا۔
اجلاس کا اختتام
اجلاس اس عزم کے ساتھ اختتام پذیر ہوا کہ پاکستان تحریکِ انصاف عوام کے آئینی، جمہوری اور سیاسی حقوق کے تحفظ کے لیے اپنی جدوجہد ہر سطح پر جاری رکھے گی۔
پاکستان تحریکِ انصاف کی مشترکہ پارلیمانی پارٹی کے اجلاس کا اعلامیہ
خیبرجرگے کے فیصلوں کی حمایت،8 فروری شٹرڈاون پر کام تیز کرنے کا فیصلہ— Asad Ullah Khan (@AUKhanOfficial1) February 2, 2026
