یونیسکو کے ڈائریکٹر جنرل ڈاکٹر خالد العنانی کا ٹیکسلا کا دورہ، ماہرینِ آثارِ قدیمہ سے ملاقات

یونیسکو کے ڈائریکٹر جنرل کا ٹیکسلا کا دورہ

لاہور (ڈیلی پاکستان آن لائن) اقوامِ متحدہ کے ذیلی ادارے یونیسکو کے ڈائریکٹر جنرل ڈاکٹر خالد العنانی نے ٹیکسلا کا دورہ کیا۔ انہوں نے بیر ماؤنڈ اور سرکپ سمیت اہم آثارِ قدیمہ کے مقامات کا دورہ بھی کیا اور حکومت پنجاب کی جانب سے آثارِ قدیمہ کے تحفظ اور بحالی کے اقدامات کو عالمی معیار سے ہم آہنگ بنانے کے اقدامات کو سراہا۔

یہ بھی پڑھیں: پاکستان اور ہنگری نے سفارتی پاسپورٹ رکھنے والوں کے لیے ویزا کی شرط کو باہمی طور پر ختم کرنے پر بھی اتفاق کرلیا۔

تاریخی مقامات کی بہتری پر زور

ڈاکٹر خالد العنانی نے ٹیکسلا اور روہتاس قلعہ کے عالمی ثقافتی ورثے کے مقامات کی بہتری کے لیے پنجاب حکومت کی کاوشوں کو قابلِ تحسین قرار دیتے ہوئے بہتر سیاحتی سہولیات اور عوام دوست ثقافتی مقامات کے قیام کی اہمیت پر زور دیا۔ اس موقع پر انہوں نے وزیراعلیٰ پنجاب مریم نواز کی قیادت کو سراہتے ہوئے سینئر وزیر مریم اورنگزیب کے کردار کو پنجاب کے ثقافتی ایجنڈے کو آگے بڑھانے میں اہم قرار دیا۔

یہ بھی پڑھیں: حکومت کو جواب دینا ہوگا 26 نومبر کو گولی کیوں چلائی؟ بیرسٹر سیف

ڈاکٹر خالد العنانی کا استقبال

ٹیکسلا آمد پر ڈاکٹر خالد العنانی کا استقبال وزیراعظم کے مشیر ڈاکٹر سید توقیر حسین شاہ، صوبائی وزیر لوکل گورنمنٹ ذیشان رفیق اور یونیسکو کی ایگزیکٹو بورڈ میں پاکستان کے نمائندے نے کیا۔ ڈائریکٹوریٹ جنرل آف آرکیالوجی پنجاب کے حکام نے ڈاکٹر خالد العنانی کو ٹیکسلا کی تاریخی اہمیت، جاری کھدائی کے منصوبوں اور عالمی ورثے کی غیر معمولی قدر (Outstanding Universal Value) کے تحفظ کے اقدامات سے آگاہ کیا۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا؟

ثقافتی ورثے کی حفاظت

انہیں پنجاب حکومت کے "میگنیفیسنٹ پنجاب پروگرام" کے تحت ٹیکسلا ہیریٹیج سٹی منصوبے پر مبنی دستاویزی فلم کے ذریعے ٹیکسلا میوزیم سمیت دیگر ثقافتی ورثوں کی حفاظت کے ماسٹر پلان سے بھی آگاہ کیا گیا۔ اس منصوبے کا مقصد ثقافتی ورثے کے تحفظ کو شہری منصوبہ بندی اور ثقافتی سیاحت کے ساتھ ہم آہنگ کرنا ہے۔

یہ بھی پڑھیں: چکن کی فی کلو قیمت میں 100 روپے کا حیران کن اضافہ

طالب علم ماہرین سے ملاقات

اس دوران ڈاکٹر خالد العنانی نے فیلڈ ورک میں مصروف طالب علم ماہرینِ آثارِ قدیمہ سے بھی ملاقات کی اور تحقیق و پائیدار ورثہ کے تحفظ میں ان کے کردار کو سراہا۔ انہوں نے پنجاب آرکیالوجی اور بین الاقوامی اداروں کے مابین تعاون کو مزید مضبوط بنانے کی ضرورت پر زور دیتے ہوئے استعداد کار میں اضافے، سائٹ مینجمنٹ اور ادارہ جاتی ترقی کے لیے تکنیکی معاونت کی پیشکش کی۔

یہ بھی پڑھیں: علامتیں اور شناختیں بچپن سے ہی آپ کو لاحق ہو جاتی ہیں، آپ کبھی بھی دور نہیں کر سکتے، انہیں محض معمولاتِ زندگی کی حیثیت سے قبول کر لیا جاتا ہے.

حفاظت میں سائنسی طریقوں کا استعمال

ڈاکٹر خالد العنانی نے تحفظِ آثار کے عمل میں سائنسی طریق کار اور ادارہ جاتی نظم و ضبط کو ایک مثالی ماڈل قرار دیا۔ وزیراعظم کے مشیر ڈاکٹر سید توقیر حسین شاہ نے بتایا کہ پنجاب میں سیاحت کے فروغ کے ساتھ ساتھ ثقافتی ورثے کے تحفظ کے لیے خاطر خواہ وسائل مختص کیے گئے ہیں۔ اس حوالے سے یونیسکو کی تکنیکی معاونت ادارہ جاتی صلاحیت کو مزید مضبوط بنانے میں مددگار ثابت ہوگی۔

ٹیکسلا ہیریٹیج سٹی پلان کی تفصیلات

سیکرٹری سیاحت سقراط امان رانا نے ٹیکسلا ہیریٹیج سٹی پلان پر مرحلہ وار عملدرآمد کی تفصیلات بیان کیں جبکہ ڈائریکٹر جنرل آرکیالوجی پنجاب ظہیر عباس ملک نے وفد کو ادارہ جاتی ترجیحات اور بین الاقوامی بہترین مثالوں سے ہم آہنگ اقدامات پر بریفنگ دی۔