عدالت کا فراڈ کیس میں فواد چودھری کو بری کرنے کا حکم

اسلام آباد میں فواد چودھری کی بریت

اسلام آباد (ڈیلی پاکستان آن لائن) ڈسٹرکٹ اینڈ سیشن کورٹس اسلام آباد نے سابق وفاقی وزیر فواد چودھری کو فراڈ کیس میں بری کرنے کا حکم جاری کر دیا۔

یہ بھی پڑھیں: قومی اسمبلی میں احتجاج اور بائیکاٹ ہوگا، ہم اسمبلی کے باہر عوام کے ساتھ اسمبلی لگائیں گے، بیرسٹر گوہر

سماعت کی تفصیلات

نجی ٹی وی چینل دنیا نیوز کے مطابق فواد چودھری کے خلاف فراڈ کیس کی سماعت ڈسٹرکٹ اینڈ سیشن کورٹس اسلام آباد میں ہوئی، جوڈیشل مجسٹریٹ شائستہ کنڈی نے کیس پر سماعت کی، عدالت نے فواد چودھری کو فراڈ کیس سے بری کر دیا۔

یہ بھی پڑھیں: الیکشن کمیشن نے عمر ایوب نااہلی کیس کا فیصلہ محفوظ کرلیا

وکلا کی موجودگی

فواد چودھری اپنے وکلا شمس اقبال ایڈووکیٹ اور قمر عنایت راجہ ایڈووکیٹ کے ہمراہ عدالت پیش ہوئے، شکایت کنندہ ملک محمد ظہیر بھی عدالت میں پیش ہوئے، تاہم ان کے وکیل فرحان منظور پیش نہیں ہوئے۔

یہ بھی پڑھیں: پیپلز پارٹی احسن روایت قائم کرے، پارٹی وابستگیوں سے بالاتر ہو کر چوروں اور دھوکہ بازوں کا محاسبہ کیا جائے تاکہ آئندہ کوئی ایسی جرأت نہ کر سکے

وکلا کی جانب سے دلائل

سابق وفاقی وزیر فواد چودھری کے وکلا کی جانب سے بریت کی درخواست پر دلائل دیئے گئے، شمس اقبال ایڈووکیٹ نے دلائل دیتے ہوئے کہا کہ فواد چودھری کے خلاف کیس میں ثبوت ناکافی ہیں۔

شمس اقبال ایڈووکیٹ کا مزید کہنا تھا کہ شکایت کنندہ کی عدم دلچسپی بھی عدالت کے سامنے ہے، عدالت قانون کی محافظ ہے اور اس کی ذمہ داری دستیاب شواہد کی روشنی میں فیصلہ کرنا ہے۔

فواد چودھری کے وکیل نے کہا کہ عدالت ریکارڈ کا جائزہ لیتے ہوئے فواد چودھری کو کیس سے بری کرے۔

عدالت کا فیصلہ

شمس اقبال ایڈووکیٹ کی استدعا پر عدالت نے فواد چودھری کی بریت کی درخواست نمٹا دی۔