پنجاب کے ایک اور شہر میں الیکٹرک بسیں چل پڑیں

وزیراعلیٰ پنجاب کا راجن پور میں دورہ

لاہور (ڈیلی پاکستان آن لائن) وزیراعلیٰ پنجاب نے راجن پور میں الیکٹرک بسوں کا افتتاح کردیا، اس موقع پر انہوں نے 3 سے 5 ایکڑ سرکاری زرعی زمین غریبوں کو دینے کا بھی اعلان کیا۔

یہ بھی پڑھیں: کراچی میں سیمنٹ وکٹ کی کرکٹ ختم نہیں ہونی چاہیے تھی، شاہد آفریدی

راجن پور کا ترقیاتی مشن

تقریب سے خطاب کرتے ہوئے وزیراعلیٰ پنجاب نے کہا کہ راجن پور کا نقشہ بدلنے کا مشن شروع ہوچکا ہے، راجن پور میں اب ترقیاتی کام ہوں گے۔ انہوں نے مزید کہا کہ خواہش تھی کہ راجن پور کے لئے کچھ کروں، راجن پور نوازشریف اور مریم نواز کے دل سے دور نہیں۔

یہ بھی پڑھیں: پنڈی ٹیسٹ: افریقی ٹیم 404 رنز پر آؤٹ، پاکستان کے خلاف 71 رنز کی برتری

پسماندہ علاقوں کی ترقی

پسماندہ علاقوں کی ترقی ہماری ترجیح ہے۔ ن لیگ پر صرف لاہور میں ترقیاتی کام کرنے کا الزام ہے۔ راجن پور دہائیوں سے پسماندہ ہے مگر اب ایسا نہیں ہوگا۔ وہ بسیں جو لاہور کی سڑکوں پر ہیں اب وہ راجن پور میں ہوں گی۔ پنجاب کے دورافتادہ اضلاع میں بھی الیکٹرک بسیں چل رہی ہیں۔

یہ بھی پڑھیں: کیلیفورنیا کا نیشنل گارڈز کی تعیناتی پر ٹرمپ انتظامیہ کے خلاف مقدمہ دائر

الیکٹرک بسوں کی سہولیات

الیکٹرک بسوں کا جال پورے پنجاب میں پھیلایاجارہا ہے، بسوں کے معیار اور کرایوں میں عوام کو ریلیف فراہم کریں گے۔ راجن پور کے لیے 15 بسیں آئیں ہیں، کوئی ضلع پیچھے نہیں رہے گا۔ جو جنوبی پنجاب صوبے کا نعرہ لگاتے تھے انہیں کچھ نہیں کیا، راجن پور کو اب لاہور اور اسلام آباد جیسی سہولیات فراہم ہوں گی۔

یہ بھی پڑھیں: پی آئی اے کی ماضی میں 10 ارب کی بولی سے آج 135 ارب کی قیمت، سول ایوی ایشن ریگولیٹر پہ اعتماد کا ثبوت ہے، خواجہ محمد آصف

مزید الیکٹرک بسوں کا منصوبہ

انہوں نے مزید کہا کہ پنجاب میں 1500 الیکٹرک بسیں مزید آرہی ہیں، سال کے اندر پنجاب کی ہر تحصیل میں گرین بس چلے گی۔ طلبہ اور شہریوں کے لیے سستی اور معیاری سفری سہولیات کا آغاز ہوگیا ہے۔ الیکٹرک بس کا کرایہ صرف 20 روپے ہوگا۔

یہ بھی پڑھیں: پنجاب پولیس کا انوکھا کارنامہ، مردہ شخص کے خلاف دھمکیاں دینے اور قبضے کا مقدمہ درج کرلیا۔

حکومت کی کارکردگی پر سوال

کسان کارڈ کے ذریعے کاشتکاروں کو بلا سود قرضوں کی فراہمی جاری ہے۔ ہمیں جعلی حکومت کہنے والوں نے اپنے صوبے کے لئے کیا کیا؟ حقیقی حکومت کا صوبہ صرف 13 سال سے زوال کا شکار کیوں ہے؟ جعلی حکومت صوبے کا امن کھا جاتی ہے۔ وزیراعلیٰ خیبرپختونخوا سے کسی بچی نے پوچھا آپ نے ہمارے لیے کیا کیا؟ وزیراعلیٰ خیبرپختونخوا نے بجائے ترقیاتی کام گنوانے کے، کہا کہ آپ اپوزیشن سے تو نہیں۔

مریم نواز کا بیان

وزیراعلیٰ مریم نواز نے کہا کہ جیل میں بیٹھا شخص کہتا ہے کہ بچوں پاکستان نہ آنا، کہیں گرم ہوا نہ لگ جائے۔ ووٹر کے بچے جیل اور اپنے برطانیہ میں ہیں۔ خیبرپختونخوا میں لوگوں سے کہا جاتا ہے کہ آپ کو شعور دیا، کیا غریب کا شعور سے کام چلے گا؟ خیبرپختونخوا کے لوگ سستی روٹی مانگتے ہیں، جعلی حکومت بے حس ہوتی ہے۔ مجھے بھاٹی گیٹ واقعے پر بے چینی تھی، میں نے متعلقہ حکام کو بلا کر کہا کہ جن کو کام نہیں کرنا وہ چھوڑ دیں۔