پاکستان اور ازبکستان کے مابین 29 معاہدوں اور مفاہمتی یادداشتوں پر دستخط
پاکستان اور ازبکستان کے درمیان تاریخی معاہدے
اسلام آباد (ڈیلی پاکستان آن لائن) پاکستان اور ازبکستان نے دوطرفہ تعلقات کو نئی بلندیوں تک لے جانے کے لیے مشترکہ اعلامیہ سمیت تجارت، انفارمیشن ٹیکنالوجی، زراعت، غذائی تحفظ، کان کنی، دفاع، ماحولیاتی تبدیلی، کھیل، ثقافت، ادویہ سازی اور انسدادِ منشیات سمیت مختلف شعبوں میں تعاون کے 29 معاہدوں اور مفاہمتی یادداشتوں پر دستخط کر دیے ہیں۔
یہ بھی پڑھیں: پاکستان آنے اور پھر ٹھوکریں کھانے کے بعد واپس جانیوالی امریکی خاتون اونیجا کے پاکستانی بوائے فرینڈ نے خاموشی توڑ دی، اعتراف محبت بھی کرلیا
صدارت کا دورہ اور مشترکہ اعلامیہ
یہ پیش رفت جمعرات کو ازبکستان کے صدر شوکت مرزائیوف کے سرکاری دورۂ پاکستان کے دوران ہوئی، جہاں اسلام آباد میں منعقدہ خصوصی تقریب میں وزیر اعظم محمد شہباز شریف اور صدر شوکت مرزائیوف نے شرکت کی۔ دونوں رہنماؤں نے پاکستان اور ازبکستان کے درمیان مشترکہ اعلامیہ پر دستخط کیے اور اس کا تبادلہ کیا، جس کے بعد مختلف معاہدوں اور ایم او یوز پر دونوں ممالک کے متعلقہ وزراء نے دستخط کیے۔
یہ بھی پڑھیں: امریکہ کی ایران پر نئی پابندیاں، غنڈہ گردی کے آگے نہیں جھکیں گے: ایرانی صدر
معاہدوں کا دائرہ کار
تقریب کے دوران خارجہ امور کی وزارتوں کے درمیان 2025 سے 2028 تک تعاون کے فریم ورک معاہدے، پریفرینشل ٹریڈ ایگریمنٹ کے تحت اشیاء کی فہرست میں توسیع، ٹیکسٹائل و ملبوسات، کان کنی و جیو سائنس، انفارمیشن ٹیکنالوجی و ٹیلی کمیونیکیشن، ثقافت، آرکیٹیکچرل و ثقافتی ورثے کے تحفظ، زراعت، فوڈ سیکیورٹی اور پلانٹ پروٹیکشن کے شعبوں میں تعاون کے معاہدے طے پائے۔
یہ بھی پڑھیں: پاکستان ائیر فورس نے جدید ترین پی ایف ایکس بنانے کا اعلان کر دیا
دفاعی اور ماحولیاتی تعاون
دفاعی شعبے میں دونوں ممالک نے دفاعی تعاون کے لیے ایکشن پلان اور روڈ میپ پر اتفاق کیا، جبکہ ڈیزاسٹر مینجمنٹ، ماحولیاتی تبدیلی اور اکالوجی کے شعبوں میں بھی تعاون کے معاہدوں پر دستخط کیے گئے۔ اس کے علاوہ سزا یافتہ مجرموں کے تبادلے، انسدادِ منشیات، میری ٹائم ٹریڈ، بندرگاہی سہولیات، چھوٹے اور درمیانے درجے کے کاروبار، فارماسیوٹیکل ریگولیٹری امور، کھیلوں اور فزیکل کلچر کے شعبوں میں تعاون کے لیے بھی مفاہمتی یادداشتوں کا تبادلہ ہوا۔
یہ بھی پڑھیں: سپریم کورٹ سے مستعفی ہونے والے ججز آگے آکر ہماری تحریک کو لیڈ کریں، اسد قیصر
تعلیمی اور ادارہ جاتی تعاون
تعلیمی، تحقیقی اور ادارہ جاتی سطح پر تعاون کو فروغ دینے کے لیے یونیورسٹی آف پشاور اور تاشقند یونیورسٹی آف اورینٹل اسٹڈیز، انسٹی ٹیوٹ آف اسٹریٹجک اسٹڈیز اسلام آباد اور ازبک اداروں، پاکستان نیوکلیئر ریگولیٹری اتھارٹی اور ازبک نیوکلیئر سیفٹی ادارے، قومی احتساب بیورو اور ازبک اینٹی کرپشن ایجنسی کے درمیان بھی ایم او یوز طے پائے۔
یہ بھی پڑھیں: جوبائیڈن نے ٹرمپ کے عہدہ سنبھالنے سے قبل کونسا کام کرنے کا فیصلہ کر لیا ؟ بڑی خبر
شہری شراکت داری اور بزنس کونسل کی تشکیل
اس کے ساتھ ساتھ پشاور اور ترمز، اسلام آباد اور سمرقند شہروں کے درمیان شراکت داری اور تعاون بڑھانے کے معاہدے بھی کیے گئے، جبکہ پاکستان ازبکستان جوائنٹ بزنس کونسل کے قیام پر بھی اتفاق ہوا۔
معاہدوں کی تعداد اور مقصد
حکام کے مطابق پاکستان اور ازبکستان کے درمیان مشترکہ اعلامیہ کے علاوہ مجموعی طور پر 21 معاہدوں اور مفاہمتی یادداشتوں کا باضابطہ تبادلہ کیا گیا، جبکہ آٹھ مزید ایم او یوز کا اعلان بھی کیا گیا، جن کا مقصد دونوں ممالک کے درمیان اقتصادی، تجارتی اور اسٹریٹجک شراکت داری کو مضبوط بنانا ہے۔
