وزیراعلیٰ کے پی علی امین کا گورنر فیصل کریم کنڈی سے پہلا باضابطہ رابطہ

پشاور میں اہم سیاسی رابطہ

وزیراعلیٰ خیبر پختونخوا علی امین گنڈا پور نے گورنر فیصل کریم کنڈی سے پہلا باضابطہ رابطہ کیا ہے۔

یہ بھی پڑھیں: 4 کروڑ 10 لاکھ روپے مالیت کی اسمگل شدہ اشیاء اور ٹرالر ضبط

جرگے کی تشکیل

گورنر خیبر پختونخوا فیصل کریم کنڈی وزیر اعلیٰ خیبر پختونخوا علی امین گنڈا پور کی دعوت پر صوبے کی سیاسی و امن و امان کی صورتحال پر مختلف سیاسی جماعتوں کی مشاورت سے بلائے گئے جرگے میں شرکت کریں گے۔

یہ بھی پڑھیں: بجٹ میں تنخواہ دار طبقے کیلئے بڑا ریلیف، تفصیلات سامنے آگئیں

پشاور کی طرف روانہ

وزیراعلی کے پی علی امین گنڈا پور کا گورنر فیصل کریم کنڈی کے ساتھ پہلا باضابطہ رابطہ ہو گا جس کے لئے گورنر خیبر پختونخوا فیصل کریم کنڈی اسلام آباد میں تمام مصروفیات ترک کرکے پشاور کے لئے روانہ ہوگئے ہیں۔

یہ بھی پڑھیں: ولادیمیر، رک جاؤ! ہر ہفتے ۵ ہزار فوجی مر رہے ہیں” ٹرمپ کا پیوٹن کیلئے پیغام

جرگے کی سربراہی

گرینڈ جرگہ تمام سیاسی جماعتوں کے پارلیمانی لیڈرز کی مشاورت کے نتیجے میں بلایا گیا ہے، جرگے کی سربراہی صوبے کے چیف ایگزیکٹو کریں گے۔

یہ بھی پڑھیں: پاکستان کے زرمبادلہ ذخائر مارچ 2022 کے بعد بلند ترین سطح پر پہنچ گئے

وفاقی حکومت کی نمائندگی

صوبائی جرگے کی تجاویز پر وزیراعلیٰ علی امین گنڈا پور نے رات گئے وزیر داخلہ محسن نقوی اور گورنر خیبر پختونخوا سے رابطہ بھی کیا تھا، وزیر داخلہ محسن نقوی بھی گرینڈ جرگے میں وفاقی حکومت کے نمائندے کی حیثیت سے شریک ہوں گے۔

پس منظر

یاد رہے کہ فیصل کریم کنڈی نے مئی 2024 میں گورنر خیبر پختونخوا کے عہدے کا حلف اٹھایا تھا، وزیراعلیٰ کے پی علی امین گنڈا پور نے ان کی تقریب حلف برداری میں بھی شرکت نہیں کی تھی اور دونوں صوبائی عہدیداران ایک دوسرے کے خلاف کئی بیانات دے چکے ہیں۔