بیٹے پر مبینہ پولیس تشدد اور رشوت کا مطالبہ، والد ٹرین کے سامنے کود گیا
میرانوالی میں نامعلوم قتل کا مقدمہ
میانوالی (ڈیلی پاکستان آن لائن) میانوالی میں نامعلوم قتل کے مقدمے میں 15 سالہ بیٹے کی بار بار گرفتاری، مبینہ پولیس تشدد اور رشوت کے مطالبے سے تنگ آکر والد ٹرین کے سامنے کود گیا۔
یہ بھی پڑھیں: بدقسمتی سے سب کچھ ہائبرڈ ہو گیا، اس میں چچا آصف زرداری اور اُن کی پارٹی بھی شامل ہے، ایمل ولی خان
والد کی ذہنی حالت
تفصیلات کے مطابق میانوالی میں نامعلوم قتل کے مقدمے میں 15 سالہ لڑکے کو بار بار حوالات میں بے گناہ بند کرکے تشدد کرنے پر نوجوان کے والد نے ٹرین کے آگے آکر خودکشی کرنے کی کوشش کی، لیکن خوش قسمتی سے جان تو بچ گئی لیکن ٹانگ ٹوٹ گئی۔
یہ بھی پڑھیں: ینگوو بائیک، ایک آسان اور کم خرچ سفر کی نئی سہولت
پولیس کی کارروائیاں
میانوالی کے تھانہ موچھ کا ایس ایچ او ساجد بار بار 15 سالہ بچے کو گرفتار کرلیتا تھا اور تشدد کرتا تھا۔ اس سے پہلے بھی اس لڑکے کو پولیس نے گرفتار کیا تھا اور پھر قتل کے جھوٹے مقدمے میں پھنسانے کی دھمکی دیکر بچے کے والدین سے لاکھوں روپے لیئے اور چھوڑ دیا۔ اب پولیس دوبارہ گرفتار کر کے رشوت کا مطالبہ کررہی تھی جسکی وجہ سے بچے کے والد نے ٹرین کے سامنے کود کر خودکشی کی کوشش کی۔
یہ بھی پڑھیں: پاکستان اسٹاک مارکیٹ میں نیا ریکارڈ قائم، 100 انڈیکس ایک لاکھ 62 ہزار پوائنٹس کی حد بھی عبور کر گیا
سوشل میڈیا کی ری ایکشن
میانوالی میں نامعلوم قتل کے مقدمے میں 15 سالہ لڑکے کو بار بار حوالات میں بے گناہ بند کرکے تشدد کرنے پر نوجوان کے والد نے ٹرین کے آگے آکر خودکشی کرلی جسکی وجہ سے اسکی ٹانگ ٹوٹ گئی
میانوالی کے تھانہ موچھ کا ایس ایچ او ساجد بار بار 15 سالہ بچے کو گرفتار کرلیتا تھا اور تشدد کرتا تھا… pic.twitter.com/ClTmLCYlhd— صحرانورد (@Aadiiroy2) February 5, 2026
یہ بھی پڑھیں: لانس نائیک محمد محفوظ شہید نشان حیدر کا یوم شہادت،فیلڈ مارشل عاصم منیر سمیت مسلح افواج کاشاندار الفاظ میں خراج عقیدت
قتل کیس کا پس منظر
عماد نامی شخص کے قتل کیس میں 15 سالہ شاکر نامی بچے کو ناحق حوالات میں رکھا گیا۔ پہلے اس تھانے میں جمیل نامی ایس ایچ او تھا۔ تھانے کے سابقہ ڈی ایف سی آصف نے 50 ہزار لے کر جمیل ایس ایچ او سے لڑکا چھڑوا کر دیا۔
سابقہ اور حالیہ صورتحال
پھر کچھ عرصے بعد ساجد نامی نیا ایس ایچ او تعینات ہوگیا۔ تو اس نے بھی بچے کو پکڑ لیا۔ پولیس بھی بار بار تفتیش میں کہتی رہی کہ بچہ بے گناہ ہے لیکن آپ پیسے دیں۔ ایس ایچ او جمیل اور ساجد کی ڈیل چلتی رہی بالاخر آج تنگ ہو کر لڑکے کے والد نے ٹرین کے آگے چھلانگ لگا دی۔
