میانوالی پولیس رویہ کے خلاف والد کا اقدام خودکشی، متعلقہ بچے کا ویڈیو پیغام بھی سامنے آ گیا

خودکشی کی کوشش کا واقعہ

میانوالی (ویب ڈیسک) میانوالی میں ایک شہری نے ٹرین کے آگے کود کر اقدام خودکشی کی کوشش کی۔ اس واقعہ کے بعد اس کے بیٹے نے بھی اپنے موقف کا اظہار کیا، جسے میانوالی پولیس نے اپنی تحویل میں رکھا اور متعلقہ فیملی سے پیسے وصول کرتی رہی۔

یہ بھی پڑھیں: حمیرا اصغر کی موت کیسے ہوئی؟ پولیس کی تحقیقاتی ٹیم تشکیل

بیٹے کا بیان

شاکر نے اپنے ویڈیو پیغام میں بتایا کہ عماد خان تری خیل کے قتل کیس میں اس سے تین ماہ پانچ دن تک تھانہ موچھ میں پوچھ گچھ کی گئی۔ دوران میں، ساجد تھانیدار نے اسے چار دن کے لیے گھر بھیجا، لیکن پھر زبیر منشی نے کال کرکے بلایا اور اس کی والدہ کو کہا کہ اکیلی کمرے میں اس کی بات سنیں۔ زبیر منشی نے شاکر کو حوالات میں بند کردیا، جس کے بعد اس کے والدین ایس ایچ او ساجد کے پاس گئے، تو اس نے اعتراف کیا کہ شاکر بے گناہ ہے لیکن ہمارے ہاتھ بندھے ہوئے ہیں۔

یہ بھی پڑھیں: کراچی میں پانی کے گڑھے میں ڈوب کر 2 کمسن بچے جاں بحق

خاندان کی پریشانی

متعلقہ لڑکے کا مزید کہنا تھا کہ اس کی والد پریشان تھے کہ عزت بھی گئی، پیسہ بھی گیا اور اب بیٹے کا مستقبل بھی معلوم نہیں۔ اسی وجہ سے انہوں نے انتہائی اقدام اٹھایا جس سے اس کی دائیں ٹانگ ٹوٹ گئی۔ شاکر نے بتایا کہ میں تو تھانے میں ہی موجود تھا لیکن پتہ چلنے پر منشی آئے اور مجھے کہا کہ اپنا سامان اٹھائیں اور چھت پر جا بیٹھیں۔ پھر ایک انجان شخص آیا، جس نے اپنے ساتھ موٹرسائیکل پر بٹھایا اور گھر کے باہر چھوڑ کر چلا گیا۔

@rabnawazkhanhathikhel123 ♬ original sound - Rabnawaz Khan Hathikhel

تشدد کا انکشاف

شاکر نے بتایا کہ اس پر تشدد کیا گیا۔ عماد خان مرحوم اس کا دوست اور کلاس فیلو تھا، لیکن اس واقعے سے اس کا کوئی تعلق نہیں تھا کیونکہ کلاس میں کافی لڑکے موجود تھے۔