گمشدہ افراد پوری دنیا کا مسئلہ، شہری کا فوجی مقدمہ چل سکتا ہے، اعظم نذیر تارڑ

مسنگ پرسنز کا معاملہ

لاہور (آئی این پی) وفاقی وزیر قانون سینیٹر اعظم نذیر تارڑ نے کہا ہے کہ مسنگ پرسنز کا معاملہ صرف پاکستان میں نہیں ہے بلکہ پوری دنیا میں ہے، قانون کے مطابق سویلین کا ملٹری کورٹ میں ٹرائل ہو سکتا ہے۔

یہ بھی پڑھیں: بشریٰ انصاری کو زارا نور عباس کے ڈانس کی تعریف کرنے پر شدید تنقید کا سامنا

عاصمہ جہانگیر کانفرنس میں خطاب

وفاقی وزیر قانون نے لاہور میں عاصمہ جہانگیر کانفرنس سے خطاب کرتے ہوئے کہا کہ میں خود مسنگ پرسنز والے معاملے میں جوڈیشل کمیشن کا حصہ ہوں، ہم سنجیدگی کے ساتھ کام کر رہے ہیں، لاپتہ افراد پر بہت کام کیا، کمیشن بھی بنایا گیا ہے اور مسنگ پرسنز کیلئے ایک ریلیف بیکج متعارف کرایا گیا ہے۔

یہ بھی پڑھیں: ثنا یوسف کے قاتل کی گرفتاری کے لیے پولیس نے کتنی سی سی ٹی وی ویڈیوز جمع کیں اور کتنی فون کالز کا تجزیہ کیا؟ آئی جی اسلام آباد کے اہم انکشافات

دہشت گردی اور لاپتہ افراد

انہوں نے کہا کہ دہشت گردی کے واقعات میں ہلاک افراد میں اکثر مسنگ پرسنز ہوتے ہیں، نئی کمیٹی لاپتہ افراد کے معاملات پر مزید توجہ دے گی۔ سوشل میڈیا پر توہین مذہب روکنے کے حوالے سے حکومت نے بہت کام کیا، حکومتی اقدامات کے باعث توہین مذہب کے کیسز میں کمی ہوئی، چیزوں کو مزید درست کرنے کی کوشش کر رہے ہیں۔

یہ بھی پڑھیں: ایران نے اسرائیل کے لیے جاسوسی کے الزام میں ایک شخص کو پھانسی دے دی

گھریلو تشدد اور قانون سازی

اعظم نذیر تارڑ نے کہا کہ گھریلو تشدد پر بھی قانون سازی کر رہے ہیں، اسلام آباد کی حد تک قانون نافذ کردیا ہے۔ اختلاف کا مطلب لڑائی نہیں بلکہ مہذب معاشرے کا حسن ہے، آئینی ترمیم پر مجھ پر بہت تنقید ہوئی ہے، آج موقع ہے کہ میں اپنا دفاع آپ کے سامنے رکھوں۔

یہ بھی پڑھیں: وہ ایڈیٹر تھا !

عدالتی نظام اور پارلیمنٹ کی حیثیت

انہوں نے کہا کہ ماضی میں ایسے واقعات ہوئے کہ سپریم کورٹ نے کریز سے باہر نکل کر کھیلا، سپریم کورٹ نے ایک وزیراعظم کو سزائے موت کی توثیق کی، وزرائے اعظم کو گھر بھیجا۔ جو مرضی ہوجائے یہ بات طے ہے کہ بائیس کڑور عوام کی پارلیمنٹ کو قانون سازی کا اختیار ہے۔ 17 غیر منتخب ججز کو پارلیمنٹ کی قانون سازی ختم کرنے کا اختیار نہیں۔

یہ بھی پڑھیں: خیبرپختونخوا اسمبلی کا اجلاس کورم پورا نہ ہونے پر ملتوی، اپوزیشن کا احتجاج

ججز کے ٹرانسفر کا اختیار

اعظم نذیر تارڑ نے کہا کہ ججز کے ٹرانسفر کا اختیار صدر اور چیف جسٹس کا تھا، ہم نے ججز ٹرانسفر کا طریقہ کار مزید بہتر کیا ہے۔ اگر پنجاب کے پاس اچھے ججز ہیں تو کیا سندھ، کے پی کے لوگوں کو حق نہیں کہ یہ ججز ان کو خدمات دیں؟

ملٹری ٹرائلز کے حوالے سے تشویش

وفاقی وزیر قانون نے کہا کہ قانون کے تحت سویلین کا ملٹری ٹرائل ہوسکتا ہے، جب آپ ریڈ لائن کو کراس کرتے ہیں تو پھر قوانین موجود ہیں۔ جنہوں نے آرمی تنصیبات پر حملہ کیا ان کے ٹرائل کا فورم فوجی عدالتیں ہی ہیں۔