پاکستان جلد دوبارہ دنیا کی 24 ویں معیشت بن کر ابھرے گا: وزیر خارجہ اسحاق ڈار

نائب وزیراعظم اسحاق ڈار کا بیان

اسلام آباد (ڈیلی پاکستان آن لائن) نائب وزیراعظم اور وزیر خارجہ اسحاق ڈار نے کہا ہے کہ پاکستان جلد دوبارہ دنیا کی 24 ویں معیشت بن کر ابھرے گا۔

یہ بھی پڑھیں: کیا بھارتی کرکٹ میں مشہور کھلاڑیوں کا دور ختم ہو رہا ہے یا ان کا ‘آخری خواب’ حقیقت بنے گا؟

خطاب میں سعودی وفد کا خیرمقدم

اسلام آباد میں پاک سعودی عرب بزنس فورم سے خطاب کرتے ہوئے اسحاق ڈار نے سعودی وزیر سرمایہ کاری، وفد اور شریک پاکستانی حکام کو خوش آمدید کہا۔ انہوں نے کہا کہ سعودی عرب کے مہمانوں کا یہاں آنا ہمارے لئے اعزاز کی بات ہے۔

یہ بھی پڑھیں: شنگھائی تعاون تنظیم کے ایگزیکٹیو ڈائریکٹر ریجنل اینٹی ٹیررسٹ سٹرکچر کی چیئرمین جوائنٹ چیفس آف سٹاف کمیٹی جنرل ساحر شمشاد مرزا سے ملاقات

پاکستان اور سعودی عرب کے برادرانہ تعلقات

اسحاق ڈار نے مزید کہا کہ پاکستان اور سعودی عرب کے درمیان برادرانہ تعلقات ہیں۔ پاکستان دوطرفہ تعلقات کو مضبوط بنانے کیلئے سعودی وفد کا پرتپاک خیر مقدم کرتا ہے۔ سعودی عرب نے مشکل معاشی حالات میں پاکستان کی بہت مدد کی۔

یہ بھی پڑھیں: نو مئی مقدمات: عالیہ حمزہ، نادیہ خٹک، جاوید کوثر کی ضمانت میں توسیع

معیشت کی پائیدار ترقی

نائب وزیراعظم نے کہا کہ پاک سعودی عرب سٹریٹجک شراکت داری نئے دور میں داخل ہوگئی ہے۔ پاکستان کی معیشت پائیدار ترقی کی راہ پر گامزن ہے، اور پاکستان میں غیر ملکی سرمایہ کاروں کیلئے سازگار ماحول موجود ہے۔

یہ بھی پڑھیں: پنجاب حکومت کا فٹنس سرٹیفکیٹ کے بغیر گاڑیوں کو ایم ٹیگ جاری نہ کرنے کا فیصلہ

چیلنجز اور ترقی کی راہ

انہوں نے واضح کیا کہ پاکستان کو چیلنجز درپیش ہیں، لیکن 2017 میں پاکستان 24 ویں بڑی معیشت تھا۔ ان کا کہنا تھا کہ وزیر اعظم شہبازشریف نے ملک کو دوبارہ معاشی ترقی کی راہ پر گامزن کیا ہے۔

یہ بھی پڑھیں: کولمبیا نے بھارتی سفارتی وفد کے بیان کی تردید کردی

معاشی بحالی کے مثبت نتائج

اسحاق ڈار نے کہا کہ وزیراعظم شہبازشریف کی اقتصادی بحالی کیلئے کوششیں کر رہی ہیں۔ مہنگائی کم ہوئی ہے، فارن ریزرو میں اضافہ ہوا ہے، اور بین الاقوامی سطح پر پاکستان کی معاشی بہتری کا اعتراف کیا جارہا ہے۔

یہ بھی پڑھیں: پاکستان بھارت ڈی جی ایم اوز کی ہاٹ لائن پر بات چیت

سعودی سرمایہ کاروں کی دعوت

انہوں نے بتایا کہ پاکستان سعودی سرمایہ کاروں کو قدر کی نگاہ سے دیکھتا ہے، اور کان کنی، آئی ٹی، زراعت اور فوڈ سکیورٹی کے شعبوں میں سرمایہ کاری کی دعوت دیتا ہے۔

زراعت اور قابل تجدید توانائی

وزیر خارجہ نے کہا کہ زراعت اور قابل تجدید توانائی کے شعبے سعودی سرمایہ کاری کیلئے کھلے ہیں۔ پاکستان کی زرمبالہ کی مد میں سعودی عرب نے قابل ذکر مدد کی ہے۔ ہماری ترجیح میکرواکنامک استحکام ہے۔