خود کش حملے میں شہید لیفٹیننٹ کرنل گلفراز نے سحری کے وقت اپنے واٹس ایپ اسٹیٹس پہ کون سی قرانی آیات لگائیں

لیفٹیننٹ کرنل گلفراز کی شہادت

اسلام آباد (ڈیلی پاکستان آن لائن) بنوں میں ہونے والے خودکش حملے میں وطن کے بہادر سپوت، لیفٹیننٹ کرنل گلفراز نے جامِ شہادت نوش کیا۔ دہشت گردی کے اس افسوسناک واقعے نے جہاں پوری قوم کو سوگوار کر دیا وہاں ہی شہید افسر کا شہادت سے قبل گزشتہ شب اور سحری کے وقت واٹس ایپ پر لگائے گئے قرآنی آیات پر مبنی اسٹیٹس نے ہر ایک کے ایمان کو بھی تازہ کردیا۔

یہ بھی پڑھیں: پاکستان نے بھارت پر نظر رکھنے کے لیے پہلا لانگ رینج ریڈار ایجاد کر لیا، بڑی خوشخبری

قرآنی آیات کا پیغام

لیفٹیننٹ کرنل گلفراز نے جمعہ اور ہفتہ کی درمیانی شب اور ہفتہ کی صبح سحری کے وقت اپنے واٹس ایپ اسٹیٹس پر سورۂ بقرہ کے آخری رکوع کی آخری 2 آیات اور چند مسنون وظائف شیئر کیے تھے۔ ان آیات میں ایمان، صبر، اطاعت اور اللہ کی طرف رجوع کا جامع پیغام موجود ہے۔

یہ بھی پڑھیں: کراچی میں کل سے بلوچستان کی یخ بستہ ہوائیں چلنے کا امکان

آخری الفاظ اور یادوں کا اثر

شہید افسر کے اس اسٹیٹس میں درج الفاظ ’یقیناً ہم اللہ کے ہیں اور ہم اسی کی طرف لوٹ کر جانے والے ہیں‘ نے ہر پڑھنے والے کو اشکبار کر دیا۔ اہل خانہ اور ساتھی افسران کے مطابق لیفٹیننٹ کرنل گلفراز نہایت دیندار، نرم گفتار اور فرض شناس شخصیت کے مالک تھے۔ وہ اکثر اپنے ماتحت جوانوں کو نماز، صبر اور اللہ پر کامل یقین کی تلقین کرتے رہتے تھے۔

یہ بھی پڑھیں: امریکہ بار بار پاکستان کی تعریفیں کیوں کر رہاہے؟ اعزاز سید کا وی لاگ میں انکشاف

آیات کا مفہوم

ان کے اسٹیٹس میں شامل آیات کا مفہوم کچھ یوں ہے کہ ’’رسول اور مومن اس کتاب پر ایمان لائے جو ان کے رب کی طرف سے نازل کی گئی۔ سب اللہ، اس کے فرشتوں، اس کی کتابوں اور اس کے رسولوں پر ایمان رکھتے ہیں اور کہتے ہیں کہ ہم نے سنا اور اطاعت کی، اے ہمارے رب ہم تیری بخشش چاہتے ہیں اور تیری ہی طرف لوٹنا ہے‘‘۔ مزید یہ کہ ’’اللہ کسی جان پر اس کی طاقت سے بڑھ کر بوجھ نہیں ڈالتا۔ انسان کو اس کی نیکی کا اجر اور برائی کا وبال ملتا ہے۔ بندہ اپنے رب سے دعا کرتا ہے کہ اگر ہم بھول جائیں یا خطا کر بیٹھیں تو ہمیں نہ پکڑ، ہم پر وہ بوجھ نہ ڈال جو ہم سے پہلے لوگوں پر ڈالا گیا، ہمیں معاف فرما، بخش دے اور رحم کر، تو ہی ہمارا کارساز ہے‘‘۔

یہ بھی پڑھیں: شہید ہونے والے کسی کے بیٹے اور بھائی تھے، ظلم کیا گیا، کیا دوسروں کو مارنا اور زخمی کرنا پرامن احتجاج ہوتا ہے؟ مریم نواز

شہادت کا اثر

شہادت کی خبر منظر عام پر آنے کے بعد جب لوگوں نے ان کا آخری اسٹیٹس دیکھا تو سوشل میڈیا پر رقت آمیز پیغامات جاری ہونے لگے۔ صارفین نے لکھا کہ گویا شہید افسر کو اپنی منزل کا اندازہ تھا اور وہ مکمل اطمینان قلب کے ساتھ اپنے رب کی طرف لوٹنے کی تیاری کر رہے تھے۔

یہ بھی پڑھیں: بلوچستان میں فٹ بال کی بحالی کے لیے پی ایف ایف اور صوبائی حکومت کا اشتراک

لیفٹیننٹ کرنل گلفراز کی خدمات

واضح رہے کہ لیفٹیننٹ کرنل گلفراز نے اپنی پیشہ ورانہ ذمہ داریاں نہایت جرات اور دیانت کے ساتھ انجام دیں اور دہشت گردی کے خلاف کئی اہم کارروائیوں میں حصہ لیا۔ ان کی شہادت اس بات کا ثبوت ہے کہ وطن کے محافظ ہر لمحہ اپنی جانوں کا نذرانہ پیش کرنے کے لیے تیار رہتے ہیں۔

یادگار پیغام

لیفٹیننٹ کرنل گلفراز کا آخری پیغام آج بھی ہزاروں لوگوں کے اسٹیٹس پر نظر آ رہا ہے اور ہر دل سے یہی صدا بلند ہو رہی ہے کہ ’ہم اللہ کے ہیں اور بے شک ہم اسی کی طرف لوٹنے والے ہیں‘۔