امریکہ نے متحدہ عرب امارات کو جدید دفاعی نظام فروخت کرنے کی منظوری دے دی

واشنگٹن (ڈیلی پاکستان آن لائن) امریکہ نے متحدہ عرب امارات کو جدید دفاعی نظام فروخت کرنے کی منظوری دے دی۔ امریکی حکام کے مطابق، متحدہ عرب امارات کو جدید لانگ رینج ریڈار فراہم کیا جائے گا، دفاعی نظام تقریباً 4.5 ارب ڈالر مالیت کا ہے۔

یہ بھی پڑھیں: وزیرِ اعظم شہباز شریف سے ورلڈ بینک گروپ کے صدر اجے بنگا کی ملاقات، تعاون بڑھانے پر اتفاق

نئے معاہدے کی ہنگامی بنیادوں پر منظوری

امریکی وزیر خارجہ نے ہنگامی بنیادوں پر نئے معاہدے کی منظوری دے دی ہے۔ امریکی حکام کا کہنا ہے کہ نیا جدید ریڈار دور سے آنے والے میزائل اور ڈرون کو نشانے بنا سکے گا۔ امریکی محکمہ خارجہ کے مطابق نیا ریڈار تھیڈ سسٹم کے ساتھ منسلک ہوگا اور یہ بیلسٹک میزائل کو سرحد میں پہنچنے سے پہلے ہی تباہ کر سکے گا۔

یہ بھی پڑھیں: آئی سی سی نے نئی رینکنگ جاری کردی ، بابر اعظم کی ٹیسٹ اور ون ڈے میں رینکنگ مزید بہتر

نئے دفاعی نظام کی خصوصیات

حکام کا کہنا ہے کہ امریکہ اور امارات کے معاہدے میں 12 جدید سینسر اور کمیونیکیشن سسٹمز بھی شامل ہیں۔ عرب امارات کو دو کنٹرول سینٹرز بھی دیے جائیں گے۔ حکام کے مطابق نئے جدید سسٹم سے عرب امارات فضائی حدود کو ہر سمت سے محفوظ بنا سکے گا۔

امن و سلامتی میں بہتری

امریکی محکمہ خارجہ کا کہنا ہے کہ امریکہ اور امارات کا یہ معاہدہ خطے میں سیکیورٹی بہتر بنانے کے لیے اہم ہے۔ امریکہ تربیت، تکنیکی مدد اور 5 سال کی سروس بھی فراہم کرے گا۔