پنجاب حکومت کا بائیکرز سبسڈی منصوبہ، فی لیٹر پیٹرول پر کتنے روپے سبسڈی ملے گی۔؟ جانیے۔

پنجاب حکومت کا بائیکرز سبسڈی منصوبہ

لاہور (ڈیلی پاکستان آن لائن) پنجاب حکومت کا بائیکرز سبسڈی منصوبہ، فی لیٹر پیٹرول پر کتنے روپے سبسڈی ملے گی؟ اس حوالے سے اہم تفصیلات سامنے آئی ہیں۔

یہ بھی پڑھیں: سینیٹ کا اجلاس آج دوپہر 12:30 بجے طلب، چار نکاتی ایجنڈا جاری

مالیاتی درخواست

’’جیو نیوز‘‘ کے مطابق پنجاب حکومت نے بائیکرز سبسڈی منصوبے کے لیے محکمۂ خزانہ سے 24 ارب روپے مانگ لیے ہیں۔ ذرائع کے مطابق محکمۂ خزانہ پنجاب نے اس رقم کی منظوری کے لیے سمری وزیرِاعلیٰ کو ارسال کر دی ہے۔ وزیرِاعلیٰ پنجاب کی منظوری کے بعد محکمۂ خزانہ بائیکرز سبسڈی کے لیے 24 ارب روپے جاری کرے گا۔

یہ بھی پڑھیں: اخبارات بنیادی ذرائع ابلاغ کے طور پر خدمات انجام دے رہے ہیں، بلاول بھٹو زرداری کا نیشنل نیوز پیپر ریڈرشپ ڈے کے موقع پر پیغام

سبسڈی کی تفصیلات

منصوبے کے تحت صوبے میں 1 کروڑ 25 لاکھ بائیکرز کو ماہانہ 2000 روپے سبسڈی دینے کا تخمینہ لگایا گیا ہے۔ ایکسائز ذرائع کے مطابق پنجاب حکومت بائیکرز کو فی لیٹر پیٹرول پر 100 روپے سبسڈی فراہم کرے گی۔ اب تک 80 لاکھ سے زائد بائیکرز اس سکیم کے لیے رجسٹریشن کرا چکے ہیں۔