حکومت اپنے ہی ملک کے بچے مار کر ہم سے لاشوں کا سوال کر رہی ہے، یاسمین راشد

یاسمین راشد کی سخت تنقید

لاہور (ڈیلی پاکستان آن لائن) تحریک انصاف کی سینیئر رہنما یاسمین راشد نے کہا ہے کہ حکومت نے پاکستان کے بچے ہی مار ڈالے، افسوس کی بات ہے کہ اب لاشوں کا یہ ہم سے پوچھ رہے ہیں۔

یہ بھی پڑھیں: دہشتگردوں کے خلاف آئی ایس آئی اور بھارتی خفیہ ایجنسی را مل کر کام کرے، بلاول بھٹو کی تجویز

حکومت کی مذمت

انسداد دہشت گردی کی عدالت میں ڈاکٹر یاسمین راشد نے غیر رسمی گفتگو کرتے ہوئے کہا کہ میرے پاس مذمت کے لیے الفاظ ہی نہیں ہیں۔ حکومت خود لاشیں اٹھا کر لے گئی اور مریم نواز کو شرم آنی چاہیے جو کہہ رہی ہے کہ شاباش پنجاب آپ نکلے نہیں۔

یہ بھی پڑھیں: بھارت نے سندھ طاس معاہدے کو سبوتاژ کرنے کی سازش کی: اشتر اوصاف

پاکستان کی تاریخ میں ظلم

انہوں نے کہا کہ پاکستان کی تاریخ میں آج تک ایسا ظلم نہیں دیکھا گیا۔ انسانیت پر ظلم کرتے ہوئے شرم آنی چاہیے ان جانوں کا حساب ہوگا۔

یہ بھی پڑھیں: کراچی میں بے ہوش شخص کی جیب سے 2 بھارتی پاسپورٹ برآمد

احتجاج کا حق

انہوں نے کہا کہ ہماری حکومت میں مولانا، بلاول، مریم نواز نے لانگ مارچ کیے لیکن ہم نے نہیں روکا۔ میں نے بطور وزیر کہا تھا کہ احتجاج آئینی حق ہے، ہم نے انہیں نہیں روکنا کیوں کہ جمہوریت پر تحریک انصاف یقین رکھتی ہے۔

جوڈیشل کمیشن کا مطالبہ

ڈاکٹر یاسمین راشد نے کہا کہ تحریک انصاف اپنے ایک ایک کارکن پر ظلم کا حساب لے گی۔ میں چیف جسٹس کو خط لکھوں گی کہ اس پر جوڈیشل کمیشن بنایا جائے۔