پیپلزپارٹی اور حکومت میں کشیدگی میں اضافہ، پیپلزپارٹی کا مسلم لیگ(ن) کو پارلیمان میں لال جھنڈی دکھانے کا فیصلہ

پاکستان پیپلزپارٹی کا فیصلہ

اسلام آباد (آئی این پی) پاکستان پیپلزپارٹی نے مسلم لیگ (ن) کو پارلیمان میں لال جھنڈی دکھانے کا فیصلہ کر لیا ہے۔

یہ بھی پڑھیں: گلبرگ میں قائم قبحہ خانے پر پولیس کا چھاپہ ، 10خواتین سمیت18مرد گرفتار

بلاول بھٹو کا اعلان

نجی ٹی وی رپورٹ کے مطابق، بلاول بھٹو نے بیرون ملک روانگی سے قبل پارلیمان میں حکومت کو ٹف ٹائم دینے کا فیصلہ منظور کر لیا ہے۔ ذرائع کا کہنا ہے کہ پیپلزپارٹی پارلیمان میں حکومت کا مزید ساتھ نہیں دے گی اور قانون سازی میں حکومت کی حمایت نہیں کرے گی۔

یہ بھی پڑھیں: لاہور میں لڑکیوں کو اوباش نوجوانوں سے بچانے کے لیے خواتین اہلکار تعینات کی گئیں تو لڑکوں نے پولیس والیوں سے ان کے ہی نمبر مانگنا شروع کر دیے۔

حکومتی اقدامات کی مخالفت

ذرائع کے مطابق، پیپلزپارٹی پارلیمنٹ میں حکومتی اقدامات کا حصہ نہیں بنے گی، اور نہ ہی حکومت کے پیش کردہ کسی بل کی حمایت کرے گی۔ اس کے علاوہ، پیپلزپارٹی آرڈیننس کی منظوری اور توسیع میں بھی حکومت کا ساتھ نہیں دے گی۔

تحفظات کا ذکر

ذرائع نے بتایا کہ پیپلزپارٹی تحفظات دور ہونے تک حکومت کا ساتھ نہیں دے گی، جبکہ حکومت رواں قومی اسمبلی سیشن میں اہم قانون سازی نہیں کرا سکی۔ رپورٹ کے مطابق، پیپلزپارٹی آئندہ دنوں میں مزید سخت فیصلے لے گی۔