نازی تحریکیں بے رحمی سے کچلیں گے، روسی قونصل جنرل کا کراچی میں تقریب سے خطاب

روس اور پاکستانی فوجیوں کی جنگ عظیم دوم میں قربانیوں کو خراج عقیدت

کراچی (ڈیلی پاکستان آن لائن) جنگ عظیم دوم میں جانوں کا نذرانہ پیش کرنے والے روسی اور پاکستانی فوجیوں کو خراج عقیدت پیش کرنے کے لئے کراچی میں تقریب منعقد کی گئی۔

یہ بھی پڑھیں: مکان کی چھت گرنے سے باپ بیٹا جاں بحق، وزیر اعلیٰ مریم نواز کا اظہار افسوس

تقریب کا آغاز

نجی ٹی وی جیو نیوز کے مطابق تقریب سے خطاب میں روس کے قونصل جنرل آندرے وکٹروچ فیڈرو نے کہا کہ ماضی کی طرح اب بھی نازی تحریکوں کو بے رحمی سے کچلا جائے گا تاکہ مشترکہ مستقبل محفوظ رہے۔

یہ بھی پڑھیں: پاکستان، چین، افغانستان کے درمیان سہ فریقی مذاکرات کا پہلا اجلاس، اقتصادی، سیکیورٹی اور علاقائی استحکام پر اتفاق

قربانیوں کا ذکر

روسی قونصل جنرل نے کہا کہ جنگ عظیم دوم میں اتحادی افواج کے افسروں اور سپاہیوں کی قربانیاں ناقابل فراموش ہیں، ان میں سے کئی کراچی کے فوجی قبرستان میں مدفون ہیں۔

یہ بھی پڑھیں: اُڑان پاکستان کے تحت حکومت کی اولین ترجیح برآمدات میں اضافہ کرنا ہے، احسن اقبال

پاکستانی فوجیوں کا کردار

آندرے وکٹروچ فیڈرو نے کہا کہ پاکستانی فوجیوں نے جنگ عظیم دوم کے محاذوں پر نازیوں کے خلاف دلیرانہ انداز سے جنگ لڑی اور اس عظیم فتح میں پاکستانی فوجیوں کا کردار ہمیشہ یاد رہے گا۔

یہ بھی پڑھیں: پاکستان اور فلپائن کے قونصل جنرلز کی فلپائنی قونصلیٹ دبئی میں ملاقات

پاکستان کی شمولیت

قونصل جنرل نے اس بات پر بھی پاکستان کو خراج تحسین پیش کیا کہ اس نے جنگ عظیم دوم کے خاتمے کے اٹھارہویں سالانہ یادگاری دن کے موقع پر اقوام متحدہ کی جنرل اسمبلی میں قرارداد کا مسودہ شریک مصنف کے طور پر پیش کیا تھا۔ انہوں نے پاکستان کے اس اقدام کو نازیوں کیخلاف فتح کی اہمیت کا عکاس قرار دیا۔

یہ بھی پڑھیں: تمہارے باپ کی لاش سوٹ کیس میں ہے، شوہر کو قتل کرکے بیٹی کو اطلاع دینے والی قاتل ماں فرار

نئی نسلوں کے تحفظ کا عزم

آندرے وکٹروچ فیڈرو نے کہا کہ 1945 میں اقوام متحدہ کے قیام کا مقصد آنیوالی نسلوں کو تیسری جنگ عظیم سے بچانا تھا اور اسی کی بدولت ملکوں کو اپنی کالونی بنانے کے نظام کا تیزی سے خاتمہ ہوا، جس سے کئی ممالک مضبوط خودمختار اقوام کے طور پر ابھرے۔

یہ بھی پڑھیں: کراچی میں 2 بچوں کو قتل کرنے والی ماں 3روزہ جسمانی ریمانڈ پر پولیس کے حوالے

سوویت یونین کی قربانیاں

جنگ عظیم دوم کا ذکر کرتے ہوئے آندرے وکٹروچ فیڈرو کا کہنا تھا کہ 80 سال پہلے سوویت یونین نے اپنے شہریوں کے اتحاد اور جرات کے ذریعے نازی جرمنی کو تباہ کردیا جو سوویت یونین، اس کی ثقافت اور روایات کو صفحہ ہستی سے مٹانا چاہتا تھا۔

یہ بھی پڑھیں: اگر میری داڑھی ہے تو کیا میں صرف مُلّا ہی بن سکتا ہوں؟

نازی فوج کے خلاف کامیابیاں

انہوں نے کہا کہ سرد موسم میں جاری اس جنگ میں درجہ حرارت منفی 25 ڈگری سینٹی گریڈ تک گر گیا تھا مگر ماسکو کا دفاع یقینی بنایا گیا۔ 900 روز تک لینن گراڈ کا محاصرہ کیے جانے کے باوجود شہریوں کے حوصلے پست نہیں ہوئے اور انہوں نے بھرپور زندگی جاری رکھی۔

یہ بھی پڑھیں: پاک بحریہ کے سابق سربراہ ایڈمرل یسطور الحق ملک فوجی اعزاز کے ساتھ سپرد خاک

نازیوں کے خلاف قربانیاں

روسی قونصل جنرل نے کہا کہ یہ ناقابل اعتراض حقیقت ہے کہ نازیوں کے سبب سب سے زیادہ قربانیاں سوویت یونین کو دینا پڑیں۔ 2 کروڑ 70 لاکھ سوویت افراد، جن میں سے نصف عام شہری تھے، وہ جنگ عظیم دوم میں مارے گئے جبکہ نازی فوج کو تباہ کرنے میں اسی فیصد کردار سوویت سرخ فوج کا تھا۔

یہ بھی پڑھیں: پی ٹی آئی کے رہنماؤں کے خلاف فیصلوں کا سیلاب آرہا ہے: سلمان اکرم راجا

تاریخی واقعات کا تحفظ

روسی قونصل جنرل نے کہا کہ یہی وجہ ہے کہ ان کا ملک نازی جرمنی کے خلاف فتح میں سوویت کردار کم کرنے کی کوششوں کو مجرمانہ عمل تصور کرتا ہے۔ انہوں نے کہا کہ روس جنگ عظیم دوم میں اپنے اتحادیوں امریکہ، فرانس اور برطانیہ کی کاوشوں کو قدر کی نگاہ سے دیکھتا ہے مگر تاریخ کو اپنی مرضی سے لکھنے اور فتح کا کریڈٹ چرانے کی کوشش کبھی برداشت نہیں کی جائے گی۔

یہ بھی پڑھیں: لاہور: شاہدرہ میں پلاسٹک کے گودام میں اچانک خوفناک آگ بھڑک اٹھی، ریسکیو آپریشن جاری

نازی تحریکوں کے خلاف عزم

آندرے وکٹروچ کا کہنا تھا کہ اب بھی نازی تحریکوں کو بے رحمی سے کچلا جائے گا کیونکہ روسی شہری کسی بھی دیگر قوم کے مقابلے میں اس لعنت کے خطرے سے زیادہ بخوبی واقف ہیں۔ مشترکہ محفوظ مستقبل کی خاطر نازیوں کو دوبارہ ابھرنے سے روکنے کے لئے کسی بھی اقدام سے گریز نہیں کیا جائے گا۔

لافانی رجمنٹ کو خراج عقیدت

قونصل خانے کی جانب سے لافانی رجمنٹ کو بھی خراج عقیدت پیش کیا گیا اور شرکا اپنے ان عزیزوں کی تصاویر اٹھائے ہوئے تھے جنہوں نے جنگ عظیم میں سوویت فوج میں خدمات انجام دی تھیں。