وزیراعظم شہباز شریف نے پاکستان کے 2 نئے سفراء کی تعیناتی کی منظوری دے دی
پاکستان میں نئے سفراء کی تعیناتی
اسلام آباد(ڈیلی پاکستان آن لائن) وزیراعظم شہباز شریف نے پاکستان کے 2 نئے سفراء کی تعیناتی کی منظوری دے دی ہے۔
یہ بھی پڑھیں: سندھ کابینہ میں ردوبدل کا امکان، کس کو کونسی وزارت ملے گی؟ جانیے
نئے سفراء کی تفصیلات
نجی ٹی وی چینل دنیا نیوز کے مطابق، پاکستان نے متحدہ عرب امارات اور روس میں نئے سفیر تعینات کرنے کا فیصلہ کیا ہے جس کی وزیراعظم کی جانب سے منظوری دی گئی ہے۔ یہ منظوری وزیر خارجہ اسحاق ڈار کی سفارش پر بھیجی گئی سمری پر دی گئی ہے۔
یہ بھی پڑھیں: بھارت کے ممکنہ مس ایڈونچرکا جواب دینے کے لیے سرحد پار سینکڑوں اہداف کا تعین کرلیا گیا
شفقت علی خان کی تعیناتی
ذرائع کا کہنا ہے کہ شفقت علی خان متحدہ عرب امارات میں پاکستان کے نئے سفیر ہوں گے۔ شفقت علی خان اس وقت وزارت خارجہ کے ترجمان کے طور پر اپنے فرائض انجام دے رہے ہیں، اور وہ اس سے پہلے پاکستان کے پولینڈ اور روس میں سفیر رہ چکے ہیں۔
فیصل نیاز ترمذی کی نئی ذمہ داریاں
ذرائع کے مطابق، متحدہ عرب امارات میں پاکستان کے سفیر فیصل نیاز ترمذی کو روس میں نیا سفیر تعینات کر دیا گیا ہے۔
