ہم اینٹ کا جواب پتھر سے دینے نہیں جا رہے ، بیرسٹر گوہر

پی ٹی آئی کے چیئرمین کا اہم بیان

اسلام آباد (ڈیلی پاکستان آن لائن) پاکستان تحریک انصاف (پی ٹی آئی) کے چیئرمین بیرسٹر گوہر علی خان نے کہا ہے کہ ہم اینٹ کا جواب پتھر سے دینے نہیں جا رہے ہیں جبکہ ہمارے اوپر الزام لگائے جا رہے ہیں اور ہمارے ساتھ جو کچھ ہوا ہے وہ عوام کو بتانا ضروری ہے۔

یہ بھی پڑھیں: عظمیٰ بخاری نے فیصل واوڈا کو ’ذہنی مریض‘ اور ’سستا شاہ رخ خان‘ قرار دیدیا

پریس کانفرنس کی تفصیلات

چیئرمین پی ٹی آئی بیرسٹر گوہر نے دیگر رہنماؤں کے ہمراہ پریس کانفرنس کرتے ہوئے کہا کہ ہم اپنی پوزیشن واضح کرنا چاہتے ہیں کہ کچھ معاملات عوام کے سامنے پیش کرنا ضروری ہے، کیوں کہ ہمارے اوپر بے بنیاد الزامات لگائے جا رہے ہیں۔

یہ بھی پڑھیں: خطے میں کشیدہ صورتحال: وزیر داخلہ محسن نقوی آج قطر پہنچیں گے

عوام کے ساتھ شفافیت

انہوں نے مزید کہا کہ ہمارے ساتھ جو کچھ ہوا ہے، اسے عوام کو بتانا ضروری ہے۔ ہمیں 180 سیٹوں کے ساتھ 91 سیٹوں پر بیٹھنے پر مجبور کیا گیا، اور ہمارے گھر کی سیٹ بھی ہم سے چھینی گئی۔ بانی چئیرمین نے ہمیشہ کہا کہ ملک بھی ہمارا اور فوج بھی ہماری ہے۔ ماضی میں ہم فوج کے ساتھ کھڑے رہے، مگر اب ہم سمجھتے تھے کہ حالات بہتر ہوں گے۔

یہ بھی پڑھیں: سعودی ولی عہد نے ٹرمپ کی اسرائیل سے تعلقات معمول پر لانے کی درخواست مسترد کردی

ملاقاتوں کی عدم موجودگی

بیرسٹر گوہر نے افسوس کا اظہار کرتے ہوئے کہا کہ کل کی پریس کانفرنس کے دوران استعمال کئے گئے الفاظ نامناسب تھے۔ ہم یہ واضح کرنا چاہتے ہیں کہ لوگ ہمیں لڑوانا چاہ رہے ہیں۔ ہمیں اپنی انا چھوڑ کر ایک دوسرے کو جگہ دینا ہوگی۔ ملاقاتیں نہیں ہو رہی اور مقدمات کا سلسلہ جاری ہے۔

آخری پیغام

ان کا کہنا تھا کہ ہم پہلے یہ بیانیہ لے کر جا رہے تھے کہ عمران خان کو رہا کرو، اب ہم کہتے ہیں کہ ملاقات کرواؤ۔ جو حالات جاری ہیں، ان سے جمہوریت کو نقصان ہو رہا ہے۔